Skip to content

Jehovah’s Witnesses

Select language Ininîmowin

Tânisi e-isi-kanawapâhtaman Kihci-Masinahikan?

Tânisi e-isi-kanawapâhtaman Kihci-Masinahikan?

Ômisi nâ kika-itwâhtay . . .

  • masinahikan ohci ininiwi kakehtâwentamowin?

  • masinahikan kayâsi âcimowina ekwa âcanohkewina?

  • Otitwewin Manitôw?

 E-ITASTEK KIHCI-MASINAHIKAN

“Kahkinaw Kihci-Masinahikewin kî-itenihtamohiwew Manitôw.”​—2 Timothy 3:16, New World Translation.

TÂNISI KE-KÎ-TÔTAMÂKOYAN KÎNA OHCI

E-tepenihtamâkemakahki naskwewasihtâwina pimâtisiwini kihci-kakwecihkemowina.​—Proverbs 2:1-5.

Mamisîwi kiskinohtahiwewin tahto kîsikâw pimâtisiwin.​—Psalm 119:105.

Kihci aspenimowin ati nîkânihk.​—Romans 15:4.

 TÂPWEHTE­NÂNAW NÂ TÂNISI KIHCI-MASINAHIKAN E-ITWEMAKAHK?

Tâpwe, nisto kekwâna ohci ôhi:

  • Kwayask mâmawi-masinahikewin. Kihci-Masinahikan awasime 1,600 askiy ekwa 40 papahkan ininiwak kî-masinahamok. Osâm poko kahkinaw mwâc ohci mekwaskatowak wîhkâc. Ekwa mâka, ôma misiwe masinahikan mâmawîmakan, peyak kihci-kekwân e-animôcikatek!

  • Tâpwe kâ-kî-pe-ihkihk. Wekâ kâ-ayamihewâtisicik ininiwi o-masinahikewahk wîpac kî-kâtâwak kâ-kî-paskinamiht otininîmowawa. Mâka wînawâw, Kihci-Masinahikan o-masinahikewahk môna ohci kâtâwak tipinawe o-pahkisiniwawa ahpô anihi otininîmowawa.​—2 Chronicles 36:​15, 16; Psalm 51:​1-4.

  • Mamisîwi kiskiwehikewin. Kihci-Masinahikanihk niyâkanaw kî-wîhcikâtew e-wî-nisiwanâtahk anima kayâsi-kihci-ihtâwin Babylon awasime 200 askiy isi-nîkânihk. (Isaiah 13:17-22) Kiwîhtamâkemakan môna poko tânisi Babylon kâwi-isi-pahkihtihk mâka mîna kî-wînew anihi kâ-wî-paskinâkot!​—Isaiah 45:​1-3.

    Tipi-tahto kotakiya Kihci-Masinahikani kiskiwehikewina kahkinaw kî-ispaniwa kiyâm ahpô anihi mâwac kâyapisâsike wîhtamâkewina. Macî mâka ewako nâ kita-kî-pakosenihtamahk Manitôw Ôtitwewinihk ohci?​—2 Peter 1:​21.

 MÂMITONENIHTA ÔMA

Tânisi Manitôw Otitwewin ke-kî-isi-kwayaskonahk kî-pimâtisiwiniw?

Kihci-Masinahikan naskwewasihtâw ômeniw kakwecihkemowiniw ôta ISAIAH 48:17, 18 ekwa 2 TIMOTHY 3:16, 17.