Skip to content

Jehovah’s Witnesses

Select language Ininîmowin

Tânisi e-isi-kanawapâhtaman ati nîkânihk?

Tânisi e-isi-kanawapâhtaman ati nîkânihk?

Kitaskîminaw nâ . . .

  • peyakwan kita-isi-ayâmakan?

  • awasime kita-ihkin?

  • awasime kita-mino-ayâmakan?

 E-ITASTEK KIHCI-MASINAHIKAN

“Manitôw . . . kita-kâsîhamawew kahkinaw ohcikawâpiwin oskîsikowahk ohci, mîna nipiwin namwâc kita-ihtakwan, namwâc mîna pîkwentamowin ahpô mâtowin ahpô wîsakentamowin kita-ihtakwana. Anihi nistam kâ-kî-ayâki pônipaniwa.”​—Revelation 21:3, 4, New World Translation.

TÂNISI KE-KÎ-TÔTAMÂKOYAN KÎNA OHCI

E-minwentamâkemakahk ekwa e-tepenihtamâkemakahk atoskewin.​—Isaiah 65:21-23.

Mwâc awasime ahkosowina ahpô kakwâtakihtâwina kita-ihtakwana nanâtohk towihkân.​—Isaiah 25:8; 33:24.

E-minwentâkwahk, kâkike pimâtisiwin asici kiwîtokwemâkanak ekwa kitôtemak.​—Psalm 37:11, 29.

 KIKA-KÎ-TÂPWEHTENÂNAW NÂ TÂNISI KIHCI-MASINAHIKAN E-ITWEMAKAHK?

Tâpwe, nîso kekwâna ohci:

  • Manitôw ayâw kaskihtâwin kita-tôtahk otasotamâkewin. Kihci-Masinahikanihk, Jehovah Manitôw wîna tipinawe isinihkâtâw “ana Mâwac Kamaskâwisit”, cikemâ wîna kâ-ayât wekâ wîhkâc kita-kisipipanik maskawisîwin. (Revelation 15:3) Mâka wîna mitoni kwayask kita-kaskihtâw kita-kanawentahk otasotamâkewin kita-kweskinahk kitaskîminaw kita-mino-ayâmakahk. Tâpiskôc anima Kihci-Masinahikan kâ-itwemakahk, “mâka wîna Manitôw kahkinaw kekwân kaskihtâw.”​—Matthew 19:26.

  • Manitôw mitoni akâwâtam kita-tôtahk otasotamâkewin. Tâpiskôc, Jehovah nôhte mînew pimâtisiwiniw anihi ininiwa kâ-kî-nipinit.​—Job 14:14, 15.

    Kihci-Masinahikan wâpahtiniwemakan Manitôw Okosisa, Jesus, kî-nihtawihew otâhkosiwa. Kekwân mâka ohci kî-tôtahk? Mâka wîna ekosi e-kî-isi-natawentahk. (Mark 1:40, 41) Jesus mitoni kwayask kî-nôkohtâw Ôhtâwiya otitâtisiwiniw kâ-isi-akâwâtahk e-wî-wîcihat anihi kâ-kitimâkisinit.​—John 14:9.

    Ekwa mâka kika-kî-kecinâhonaw Jehovah ekwa Jesus natawentamok kita-wîcihikoyahkok kita-minwentamahk ati-nîkânihk minwentamowin!​—Psalm 72:12-14; 145:16; 2 Peter 3:9.

 MÂMITONENIHTA ÔMA

Tânisi Manitôw ke-isi-kweskinahk kitaskîminaw kita-mino-ayâmakahk?

Kihci-Masinahikan naskwewasihtâw ômeniw kakwecihkemowiniw ôta MATTHEW 6:9, 10 ekwa DANIEL 2:44.