Skip to content

Al lo sa dezyenm lalis

Al lo konteni

Temwen Zeova

Kreol Seselwa

Latour Veyer (Edisyon letid)  |  July 2015

Lafore Biriya, Galile

Eski ou ti konnen?

Eski ou ti konnen?

Eski i ti sitan bwaze an Izrael parey i’n ganny endike dan Labib?

LABIB i mansyonnen ki serten rezyon dan Later Promiz ti bwaze e i ti annan en “kantite” pye dibwa. (1 Rwa. 10:27; Zoz. 17:15, 18) Me ozordi ler bann dimoun ki annan dout i vwar ki dan en bon bout sa pei, i nepli annan en kantite pye dibwa, petet zot vwar li difisil pour krwar ki sa ti leka.

En gro grap fig sikomor

Sa liv Life in Biblical Israel i dir ki “bann lafore Izrael ti bokou pli gran ki zot ete ozordi.” Son bann montanny ti ranpli avek bann pye dibwa tel parey, Aleppo pine (Pinus halepensis), evergreen oak (Quercus calliprinos) e terebinth (Pistacia palaestina). Dan Sepela, en rezyon ant bann ranze montanny santral ek Lakot Lamediterane, i annan bann pti montanny kot ti osi annan en kantite pye fig sikomor (Ficus sycomorus).

Sa liv Plants of the Bible, i dir ki aprezan i napa okenn pye dibwa dan serten landrwa Izrael. Ki’n arive? Pour eksplike ki sa in ariv ptitapti, sa liv i dir: “Zonm in kontinyelman enterfer avek lanatir, prensipalman pour agrandi son bann plantasyon ek landrwa pour nouri zannimo, me osi pour ganny plis materyo pour konstri e pour sof li.”