Skip to content

Al lo sa dezyenm lalis

Al lo konteni

Temwen Zeova

Kreol Seselwa

Latour Veyer  |  No. 5 2017

 LO KOUVERTIR | BANN LANZ​—ESKI ZOT EGZISTE? AKOZ I BON KONNEN?

Eski bann lanz i kapab enfliyans ou lavi?

Eski bann lanz i kapab enfliyans ou lavi?

En Dimans apremidi, Kenneth ek Filomena, ki reste Curaçao, ti al vizit en koup marye ki zot ti pe etidye Labib avek.

Kenneth i dir: “Letan nou ti ariv kot zot lakaz, partou ti fermen e zot loto pa ti la. Me en keksoz ti fer mwan telefonn sa madanm.”

Sa madanm ti reponn e i ti dir ki son msye ti’n al travay. Me kan i ti realize ki Kenneth ek Filomena ti deor, i ti ouver laport e envit zot anndan.

Zot ti deswit remarke ki sa madanm ti’n plere. Letan Kenneth ti fer lapriyer pour konmans letid, sa madanm ti rekonmans plere. Zantiman, Kenneth ek Filomena ti demann li ki i gannyen.

Sa madanm ti eksplike ki i ti ganny depresyon e ki letan zot ti telefonn li, i ti pe ekrir en let son msye vi ki i ti pe fer plan pour touy son lekor son apremidi. Kenneth ek Filomena ti lir de trwa verse Labib ki ti rekonfort sa madanm e zot lankourazman ti vreman ede pour sov son lavi.

Kenneth i dir: “Nou ti remersye Zeova ki ti’n fer nou telefonn sa madanm e petet i ti servi en lanz oubyen Son lespri sen pour fer sa. Akoz sa, nou’n kapab ed sa madanm ki ti vreman dezespere.” *

Eski Kenneth ek Filomena i annan rezon pour krwar ki Bondye in servi en lanz oubyen Son lespri sen pour diriz zot kot sa madanm? Oubyen i zis par azar ki Kenneth in telefonn dan sa pli bon moman?

Nou pa asire me sa ki nou konnen i ki Bondye i servi son bann lanz pour ed dimoun spirityelman. Par egzanp, Labib i dir ki Bondye ti servi en lanz pour dir Filip kote sa zofisye Etyopyen ki ti pe rod led spirityel ti ete.​—Akt 8:26-31.

Bokou larelizyon i ansennyen ki bann lanz i egziste e ki serten parmi zot i bon e zot fer lavolonte Bondye. Zot dir ki serten lanz i menm vey lo nou parey en gardyen. Bokou dimoun pa zis krwar ki bann lanz i egziste me zot osi krwar ki sa bann lanz i annan en lenfliyans lo zot lavi. Par kont, i annan bokou lezot ki pa krwar ditou ki bann lanz i egziste.

Eski bann lanz i vreman egziste? Si wi, kote zot sorti? Ki Labib i dir lo bann lanz? Eski zot kapab enfliyans ou lavi? Annou vwar serten levidans.

^ par. 8 Zeova i non Bondye parey i ete dan Labib.​—Psonm 83:18.