Skip to content

Al lo sa dezyenm lalis

Al lo konteni

Temwen Zeova

Kreol Seselwa

Latour Veyer  |  No. 4 2017

Tetragram, non sakre Bondye, Zeova dan langaz Ebre. I ganny lir sorti drwat pour al gos

Sa pli pti let dan langaz Ebre i asir nou ki promes Zeova pour vin vre

Sa pli pti let dan langaz Ebre i asir nou ki promes Zeova pour vin vre

Eski nou vreman kapab annan konfyans ki tou bann promes Bondye pou vin vre? Zezi ti asire ki bann promes Bondye ti pou vin vre e son lansennyman ti batir lafwa bann ki ti ekout li. Pran sa legzanp ki Zezi ti donnen dan Matye 5:18 dan son Sermon lo Montanny: “Vreman mon dir zot ki i pou pli fasil pour lesyel ek later disparet ki pour sa pli pti let oubyen en pwen lo en let ‘i’ dan Lalwa disparet san ki tou keksoz dan Lalwa i ganny akonplir.”

Sa pli pti let alfabet dan langaz Ebre i י (yod) e i sa premye let dan Tetragram, ki non sakre Bondye, Zeova. * An plis ki bann mo ek let sorti dan lalwa Bondye, bann profeser lalwa ek bann Farizyen ti konsider sak “pwen lo en let” konman vreman enportan.

Zezi ti pe dir ki i pli fasil pour lesyel ek later disparet ki pour sa pli pti let dan Lalwa pa ganny akonplir. Par kont, Labib i asir nou ki lesyel ek later pou reste pour touzour. (Psonm 78:69) Alor, sa ki Zezi ti dir i montre ki napa ni en pti detay dan Lalwa ki pa pou ganny akonplir.

Eski Zeova i enterese avek bann pti detay? Sertennman. Annou pran en legzanp: Bann Izraelit ti ganny dir ki zot pa ti devret kas okenn lezo sa mouton ki ti pou ganny servi pour lafet Lapak. (Egzod 12:46) Sa i paret en pti detay. Me eski bann Izraelit ti konpran akoz zot pa ti devret kas okenn lezo sa mouton? Pa neseserman. Zeova ti konnen ki sa ti en detay profetik ki ti pou aplik lo Mesi, kot okenn son bann lezo pa ti pou kase ler i ti pou ganny met a mor lo poto.​—Psonm 34:20; Zan 19:31-33, 36.

Ki nou aprann avek parol Zezi? Nou osi nou kapab annan konfyans ki tou promes Zeova, menm dan bann pti detay pou vin vre. Pa sa pli pti let dan langaz Ebre i asir nou ki promes Zeova pour vin vre!

^ par. 3 Sa pli pti let alfabet dan langaz Grek i iota e i en pe parey avek י (yod) dan langaz Ebre. Vi ki Lalwa Moiz ti orizinalman ganny ekri e ganny transmet dan langaz Ebre, i tre probab ki Zezi ti pe refer avek sa pli pti let dan langaz Ebre.