Skip to content

Al lo konteni

Ki Labib i dir?

Ki Labib i dir?

Eski zonm ki’n envant larelizyon?

SERTEN DIMOUN I KWAR ki dimoun ki’n envant larelizyon, lezot i panse ki Bondye i servi larelizyon pour ed dimoun vin pros avek li. Ki ou panse?

KI LABIB I DIR

I annan en larelizyon ki “Bondye Papa i konsider konman en relizyon pir e san defo.” (Zak 1:27) En larelizyon ki pir e vre i sorti kot Bondye.

KWA ANKOR KI NOU APRANN DAN LABIB

  • Pour fer plezir Bondye, en larelizyon i bezwen baze lo laverite sorti dan Labib.Zan 4:23, 24.

  • Bann larelizyon ki baze lo pwennvi imen i initil.Mark 7:7, 8.

Eski i neseser pour annan en larelizyon?

KI OU TI POU DIR?

  • Wi

  • Non

  • I depan

KI LABIB I DIR

“Annou rode konman nou pou kapab ankouraz kanmarad pour annan lanmour e fer sa ki byen. Annou pa abandonn nou lasanble.” (Ebre 10:24, 25) Bondye i anvi ki son bann adorater i zwenn ansanm konman en group.

KWA ANKOR KI NOU APRANN DAN LABIB

  • Bann ki ador Bondye ansanm i bezwen annan menm krwayans.1 Korentyen 1:10, 11.

  • Bann manm sa larelizyon ki Bondye i aprouve i form parti sa lasosyasyon frer ek ser dan lemonn antye.1 Pyer 2:17.