Skip to content

Al lo sa dezyenm lalis

Al lo konteni

Temwen Zeova

Kreol Seselwa

Latour Veyer  |  No. 4 2016

 LO KOUVERTIR | KI MANNYER LABIB IN SIRVIV ZISKA NOU LETAN?

Labib in sirviv malgre letan

Labib in sirviv malgre letan

BANN MENAS: Papiris (papyrus) ek lapo zannimo (parchment) ti bann premye keksoz ki bann ekriven Labib ek bann ki ti kopye Labib ti servi pour ekri lo la. * (2 Tim. 4:13) Ki mannyer sa bann materyo ti met legzistans Labib an danze?

Papiris pa for, i pali e fasilman desire. Richard Parkinson ek Stephen Quirke, de zonm ki’n etidye listwar ansyen Lezip i dir, “En fey papiris i kapab pouri e avek letan i reste zis leskelet sa fey ek en ta lapousyer. Ler i ganny stoke, en roulo i kapab mwazi oubyen pouri avek limidite. Lera oubyen zensek, espesyalman karya i kapab manz sa roulo si i ganny antere.” Apre zot dekouvert, serten fey papiris ti ganny met dan soley ek limidite e sa ti fer zot pouri pli vitman.

Lapo zannimo i pli dirab ki papiris me li osi i dekonpoze si i pa byen ganny pran swen avek oubyen si i ganny ekspoze avek limidite, lalimyer ek tanperatir tro o oubyen tro ba. * Lapo zannimo i osi atrakte bann zensek. Anfet, konsernan bann vye liv, sa liv Everyday Writing in the Graeco-Roman East i dir ki i rar pour bann vye liv sirviv. Si Labib ti’n deteryore, son mesaz ti pou nepli la.

KI MANNYER LABIB IN SIRVIV: Lalwa Zwif ti obliz tou lerwa pour ekri en kopi sa lalwa pour li menm, setadir sa senk premye liv dan Labib. (Deterononm 17:18) An plis, bann ki ti kopye Labib ti fer sitan kantite kopi ki ver premye syek, Labib ti kapab ganny trouve partou dan bann sinagog Izrael ziska Masedwann. (Lik 4:16, 17; Akt 17:11) Ki mannyer serten vye kopi Labib in sirviv ziska nou letan?

Bann vye kopi Labib ki apel bann Roulo Lanmer Mor, in sirviv pour plizyer syek dan bann resipyan ki ti dan bann kavern kot klima i sek

En spesyalis New Testament, Philip Comfort i dir, “Bann Zwif ti abitye met bann roulo dan bann resipyan pour prezerv zot.” I paret ki bann Kretyen ti kontiny sa tradisyon. Anfet, serten vye kopi Labib in ganny dekouver dan bann resipyan ki’n ganny fer avek later, dan bann larmwar, kavern e dan bann landrwa ki vreman sek.

REZILTA: Plizyer milye bout kopi Labib, serten date plis ki 2,000 an, in sirviv ziska nou letan. Napa okenn vye liv apard Labib ki annan sitan bokou kopi ki’n sirviv ziska nou letan.

^ par. 3 Papyrus i ganny fer avek en plant ki pous dan delo tandis ki parchment i ganny fer avek lapo zannimo.

^ par. 5 Par egzanp, sa kopi ofisyel U.S. Declaration of Independance ti ganny ekrir lo lapo zannimo. Apepre 250 lannen pli tar, son lekritir ti’n vin sonm e apenn si ou ti kapab lir li.