Labib pa parey lezot liv. I annan konsey sorti kot nou Kreater. (2 Timote 3:16) Son mesaz i kapab annan en gran lefe lo nou. Anfet, Labib i dir: “Parol Bondye i vivan e pwisan.” (Ebre 4:12) Labib i annan sa pwisans pour ed nou amelyor nou lavi dan de fason enportan. Depi la konmela i kapab gid nou dan nou lavi toulezour e i osi kapab ed nou konn Bondye ek son bann promes.1 Timote 4:8; Zak 4:8.

Amelyor ou lavi la konmela. Labib i kapab ed nou dan nou lavi personnel. I donn bann konsey pratik konsernan

En zenn koup sorti Lazi in byen apresye bann konsey dan Labib. Parey bokou koup ki fek marye, zot ti vwar li difisil pour adapte avek personnalite kanmarad e pour koz avek kanmarad. Me zot ti konmans aplik sa ki zot ti lir dan Labib. Ki mannyer sa ti ed zot? Vicent, sa msye, i dir: “Sa ki mon ti lir dan Labib ti ed mwan pour demontre lanmour letan nou ti rankontre bann problenm dan nou maryaz. Letan nou’n aplik bann prensip Labib, nou’n kapab annan en lavi ere ansanm.” Son madanm Annalou, i osi dir: “Lir lo bann legzanp dan Labib in ed nou. Aprezan, mon vreman satisfe e ere dan nou maryaz e avek bann lobzektif ki nou annan.”

Aprann konn Bondye. Apard sa ki Vicent in dir lo maryaz, i osi dir: “Ler mon’n lir Labib, mon’n vin pli pros avek Zeova ki oparavan.” Bann parol ki Vicent in dir i fer resorti en pwen enportan, se ki Labib i kapab ed ou vin pli pros avek Bondye. Si ou fer sa, ou pa pou zis benefisye avek son konsey me ou pou osi vwar ki ou pou konn Bondye konman en zanmi. Ou pou vwar ki Bondye i donn detay lo en pli bon lavenir, en letan kot ou pou ganny “sa vre lavi” ki pou dire pour touzour. (1 Timote 6:19) Sa i en keksoz ki okenn lezot liv pa kapab ofer ou.

Si ou konmans lir Labib e ou pa arete, ou osi ou kapab amelyor ou lavi konmela menm e aprann konn Bondye. Par kont, anmezir ou lir Labib, ou pou annan plizyer kestyon. Ler sa i arive, mazin legzanp sa zofisye Etyopyen ki ti viv 2,000 an pase. I ti annan en kantite kestyon lo Labib. Ler i ti ganny demande si i konpran sa ki i pe lir, i ti reponn: “Be ki mannyer mon pou kapab konpran si en dimoun pa eksplik mwan?” * Apre i ti deswit aksepte led avek Filip, en disip Zezi ki ti kalifye pour ansenny Labib. (Akt 8:30, 31, 34) Si ou osi ou ti a kontan konn plis lo Labib, ranpli sa form lo www.jw.org oubyen ekri sa ladres ki pli pros avek ou ki lo paz 2 sa magazin. Ou kapab osi kontakte Temwen Zeova dan ou rezyon oubyen rann en vizit kot en Lasal Rwayonm ki pros avek kot ou reste. Konmans lir Labib ozordi menm e vwar ki mannyer i kapab ed ou annan en meyer lavi!

Pour konnen si ou kapab met konfyans dan Labib, silvouple get sa pti video Ki mannyer nou kapab asire ki Labib i vre? Pour vwar sa video, al lo jw.org get anba PIBLIKASYON > VIDEO > LABIB

^ par. 8 Vizit nou sit Enternet jw.org an Angle, pour plis legzanp lo ki mannyer Labib i kapab donn nou bann konsey. Get anba BIBLE TEACHINGS > BIBLE QUESTIONS ANSWERED.

^ par. 11 Vwar sa lartik “Eski ou’n mal konpran?” dan sa Latour Veyer.