Skip to content

Al lo konteni

 LESON 2

Bondye i pli bon zanmi ki ou ti a kapab annan

Bondye i pli bon zanmi ki ou ti a kapab annan

Vin zanmi Bondye i sa pli gran keksoz ki ti a kapab arive avek ou. Bondye pou ansenny ou konman pour vin ere e an sekirite; i pou debaras ou avek plizyer fo krwayans ek pratik danzere. I pou ekout ou bann lapriyer. I pou ed ou pour rezwir lape lespri ek konfyans. (Psonm 71:5; 73:28) Bondye pou soutenir ou dan bann moman difisil. (Psonm 18:18) E Bondye i ofer ou son kado, lavi eternel.—Romen 6:23.

An mezir ki ou rapros ou avek Bondye, ou pou vin pros avek bann zanmi Bondye. Zot osi zot pou vin ou bann zanmi. Annefe, zot pou vin parey bann frer ek ser anver ou. Zot pou kontan pour ansenny ou lo Bondye e zot pou ed ou e ankouraz ou.

Nou pa egal avek Bondye. Kan ou resers lanmitye avek Bondye, ou bezwen konpran en keksoz byen enportan. Lanmitye avek Bondye i pa en lanmitye ki egziste antre bann dimoun egal. Bondye i bokou pli vye, pli saz, e pli pwisan ki nou. I nou Dirizan lezitim. Alor si nou anvi vin son zanmi, nou devret ekout li e fer sa ki i demann nou pour fer. Alafendizour, sa pou touzour benefisye nou.—Izai 48:18.