Skip to content

Al lo sa dezyenm lalis

Al lo konteni

Temwen Zeova

Kreol Seselwa

Ou kapab vin zanmi Bondye!

 LESON 3

Ou bezwen aprann konn Bondye

Ou bezwen aprann konn Bondye

Pour vin zanmi Bondye, ou bezwen aprann konn li. Eski ou bann zanmi i konn ou non e servi li? Sertennman. Bondye osi i anvi ki ou konn e servi son non. Non Bondye i Zeova. (Psonm 83:18; Matye 6:9) Ou bezwen osi aprann kwa ki i kontan e kwa ki i pa kontan. Ou bezwen konnen lekel son bann zanmi e lekel son bann lennmi. I pran letan pour konn en dimoun. Labib i dir ki i saz pour rezerv letan pour aprann konn Zeova.—Efezyen 5:15, 16.

Bann zanmi Bondye i fer sa ki fer li plezir. Mazin en pe ou bann zanmi. Si ou pa tret zot byen e ou fer bann keksoz ki zot deteste, eski zot pou kontinyen reste ou zanmi? Definitivman non! Pareyman, si ou anvi vin zanmi Bondye, ou bezwen fer sa ki fer li plezir.—Zan 4:24.

Pa tou larelizyon ki permet ou annan en lanmitye avek Bondye. Zezi, zanmi pli pros Bondye, ti koz konsernan de semen. Enn i larz e i ranpli avek dimoun. Sa semen i anmenn ver destriksyon. Lot semen i etrwat e i annan en pti gin dimoun ki pe mars lo la. Sa semen i anmenn ver lavi eternel. Savedir si ou anvi ganny lanmitye Bondye, ou bezwen aprann ador li dan sa bon fason.—Matye 7:13, 14.