Skip to content

Al lo sa dezyenm lalis

Temwen Zeova

Kreol Seselwa

Eski soufrans pou fini en zour?

Eski soufrans pou fini en zour?

Ki ou ti pou dir . . .

  • wi?

  • non?

  • petet?

 SA KI LABIB I DIR

“Bondye . . . pou eswiy tou larm dan zot lizye. Lanmor pou nepli egziste. Pou nepli annan ni dey, ni plere, ni soufrans.”Revelasyon 21:3, 4, Nouvo Testaman.

KI SA I VEDIR POUR OU

Nou asire ki Bondye pa lakoz nou bann problenm.Zak 1:13.

I ankourazan akoz nou konnen ki Bondye i konpran nou ler nou soufer.Zekarya 2:8.

Lespwar ki tou soufrans pou fini.Psonm 37:9-11.

 ESKI NOU VREMAN KAPAB KRWAR SA KI LABIB I DIR?

Wi, pour omwen de rezon:

  • Bondye i ay soufrans ek lenzistis. Reflesir lo lafason ki Zeova ti santi ler son pep dan letan lontan ti ganny trete dan en fason kriyel. Labib i dir ki i ti vreman tris akoz “bann ki ti pe maltret zot.”Ziz 2:18, New World Translation.

    Bondye i vreman pa kontan bann ki fer ditor lezot. Par egzanp, Labib i dir ki Bondye i vreman pa kontan “bann ki fer koule disan bann ki inosan.”Proverb 6:16, 17.

  • Bondye i enterese avek nou endividyelman. Pa zis sak dimoun ki “konn son fleo ek son soufrans” me Zeova osi i konnen!2 Kronik 6:29, 30.

    Atraver son Rwayonm, Zeova pou byento met en lafen avek soufrans sak dimoun. (Matye 6:9, 10) Antretan, avek lanmour i rekonfort bann ki senserman rod li.Akt 17:27; 2 Korentyen 1:3, 4.

 POUR REFLESIR LO LA

Akoz Bondye i permet soufrans?

Labib i reponn sa kestyon dan ROMEN 5:12 ek 2 PYER 3:9.