Skip to content

Eski bann mor i vreman kapab viv ankor?

Eski bann mor i vreman kapab viv ankor?

Ki ou ti pou dir . . .

  • wi?

  • non?

  • petet?

 SA KI LABIB I DIR

‘Dimoun pou resisite.’Akt 24:15, Nouvo Testaman.

KI SA I VEDIR POUR OU

Ou pou ganny konsolasyon ler en dimoun ki ou kontan i mor.2 Korentyen 1:3, 4.

Ou pou nepli per lanmor.Ebre 2:15.

En vre lespwar pour revwar bann ki ou kontan ki’n mor.Zan 5:28, 29.

 ESKI NOU VREMAN KAPAB KRWAR SA KI LABIB I DIR?

Wi, pour omwen trwa rezon:

  • Bondye i Sours lavi. Labib i dir nou ki Bondye ki apel Zeova i “sours lavi.” (Psonm 36:9; Akt 17:24, 25) Sa Enn ki ti donn lavi tou sa ki vivan i sertennman kapab redonn lavi en dimoun ki’n mor.

  • Bondye ti resisit bann imen dan lepase. Labib i koz lo wit rezireksyon kot bann zenn, aze, zonm ek fanm ti ganny resisite pour viv lo later. Serten ti’n fek mor, me enn ti’n mor depi kat zour!Zan 11:39-44.

  • Bondye i anvi fer li ankor. Zeova i ay lanmor, i konsider li konman en lennmi. (1 Korentyen 15:26) I “vreman anvi” met en lafen avek sa lennmi. Par mwayen rezireksyon, i pou redonn lavi tou bann ki dan son memwar akoz i anvi vwar zot pe viv ankor lo later.Zob 14:14, 15.

 POUR REFLESIR LO LA

Akoz nou vyeyi e mor?

Labib i reponn sa kestyon dan ZENEZ 3:17-19 ek ROMEN 5:12.