Eski par ler ou mazin bann bon moman ki ou ti pase avek pep Zeova? Eski ou rapel en renyon ankourazan, en lasanble byen gou, en zoli leksperyans dan predikasyon ouswa senpleman en bon konversasyon avek en frer oubyen ser? Ou pa’n oubliy Zeova e li osi i pa’n oubliy ou. I rapel ou servis fidel avek lazwa e i enpasyan pour ed ou retourn kot li.

Zeova i dir: “Mwan menm mon pou rod mon bann mouton e mon pou pran swen avek zot. Parey en berze ki rasanble e donn manze son bann mouton ki ti’n eparpiye, mon pou pran swen avek zot. Mon pou sov zot partou kot zot in eparpiye.”Ezekyel 34:11, 12.