Skip to content

Al lo sa dezyenm lalis

Al lo konteni

Temwen Zeova

Kreol Seselwa

Progranm lasanble rezyonal 2017

Lenformasyon

Lenformasyon

RENYON SPESYAL

SERVIS BETEL Tou bann proklanmater batize ki annan 35 an oubyen mwens ki enterese avek servis Betel i ganny envite pour asiste en renyon pour bann ki oule ranpli en laplikasyon, Sanmdi apre midi. Landrwa ek ler egzakt pour sa renyon pou ganny anonse.

LEKOL POUR BANN PREDIKATER RWAYONM Bann pionye ant 23 ek 65 an ki enterese pour elarzir zot minister i ganny envite pour asiste en renyon pour bann ki oule ranpli en laplikasyon pour Lekol pour bann predikater Rwayonm dimans apre midi. Landrwa ek ler egzakt pour sa renyon pou ganny anonse.

 LENFORMASYON

LAKEY Bann manm servis lakey i la pour asiste ou. Silvouple, swiv zot lenstriksyon konsernan parking, konman pour deplase, anmas plas ek lezot keksoz ankor.

BATENM Bann sez premye ranze devan pou ganny rezerve pour bann kandida batenm. Tou kandida batenm in devret fini pran zot plas devan, avan ki diskour batenm i konmanse Sanmdi bomaten. Sak kandida batenm i bezwen anmenn en servyet ek en lenz apropriye pour batenm.

KONTRIBISYON Bann laranzman in ganny fer pour ki nou annan bann sez konfortab, en bon sistenm son, lekipman video ek lezot servis ki permet nou pour profit byen nou lasanble e ed nou vin pli pros avek Zeova. Ou kontribisyon volonter i ede pour kouver sa bann depans e osi pour siport travay mondyal. Bann bwat kontribisyon ki’n byen ganny marke i trouve dan sa lasal. Tou kontribisyon ki ganny fer pou byen ganny apresye. Konsey Direkter i oule remersye ou pour ou sipor zenere pour Rwayonm.

PREMYE SEKOUR Nou oule rapel zot ki sa servis i ZIS pour bann ka IRZAN.

KEKSOZ PERDI Nenport ki keksoz ki nou pa konnen pour ki, pou ganny anmennen kot Departman Keksoz Perdi. Si ou’n perdi okenn keksoz, al kot sa departman e ou pou kapab idantifye sa ki pour ou. Zanfan ki’n perdi zot paran pou ganny anmennen kot sa departman. Par kont, nou oule rapel zot ki sa departman i pa en deker. Vey ou zanfan silvouple e fer sir i reste avek ou.

PLAS ASIZE Silvouple annan konsiderasyon pour lezot. Nou oule rapel zot ki nou rezerv plas asize zis pour nou fanmir pros, bann ki pe vwayaz avek nou, ki reste dan menm lakaz oubyen nou etidyan Labib. Silvouple pa met keksoz lo sez ki ou pa pe rezerve.

SERVIS VOLONTER Si ou oule ede avek travay ki annan pour fer avek lasanble, silvouple raport kot Servis Lenformasyon ek Volonter.

Organize par Konsey Direkter Temwen Zeova