Skip to content

Al lo sa dezyenm lalis

Al lo konteni

Temwen Zeova

Kreol Seselwa

Labib—Ki son mesaz?

 SEKSYON 19

Zezi i koz lo en profesi enportan

Zezi i koz lo en profesi enportan

Zezi i profetiz lo son prezans konman lerwa ek konklizyon sa sistenm

LO MONTANNY Zolivye kot Zerizalenm ek tanp ti kapab byen ganny vwar, kat zapot Zezi ti demann li en kestyon an prive konsernan serten keksoz ki i ti’n dir pli boner. Zezi ti’n fek dir ki tanp Zerizalenm ti pou ganny detrir. Dan en lokazyon pli boner, i ti’n koz avek zot konsernan “lafen” sa lemonn mesan. (Matye 13:40, 49) Aprezan bann zapot ti pe demande: “Dir nou kan tousala pou arive, e ki siny ki pou endik ou larive ek lafen?”—Matye 24:3.

Pour reponn zot, Zezi ti dir zot sa ki ti pou arive avan destriksyon Zerizalenm. Me, son parol ti enplik plis ki sa. Son profesi ti pou annan en pli gran lakonplisman dan lemonn antye. Zezi ti profetiz konsernan en seri levennman ek kondisyon lemonn ki ti pou form en siny. Sa siny ti pou montre bann zabitan later ki larive oubyen prezans Kris konman Lerwa dan lesyel ti’n konmanse. Andotmo, sa siny ti pou endike ki Zeova ti’n fer Zezi vin Lerwa dan son Rwayonm ki ti’n ganny promet depi byen lontan. Sa siny ti pou vedir ki sa Rwayonm ti pou byento retir tou sa ki mal e anmenn vre lape dan lemonn antye. Sa bann keksoz ki Zezi ti predir ti pou mark lafen sa vye lemonn i enplik lafen avek sistenm relizye, politik e sosyal ki pou ganny ranplase avek en nouvo lemonn.

Pour eksplik sa ki ti pou arive lo later pandan son prezans konman Lerwa dan lesyel, Zezi ti dir ki i ti pou annan lager dan lemonn antye, lafanmin, gran tranblemandter ek bann maladi ki ti pou kontinyelman propaze. Lemal ti pou ogmante. Bann vre disip Zezi ti pou pres sa bon nouvel lo Rwayonm Bondye partou lo later. Tou sa bann levennman ti pou termin avek en “gran soufrans” ki pa’n zanmen deza annan oparavan.—Matye 24:21.

Ki mannyer bann disip Zezi ti pou konnen ki lafen i pros? Zezi ti dir: “Pran legzanp lo pye fig.” (Matye 24:32) Dek ki fey lo en pye fig i konmans pouse, sa i montre ki lete i pros. Pareyman, dek ki sa bann keksoz ki Zezi ti koz lo la pour rekonnet son prezans i konmans vin evidan, sa ti pou endike ki lafen ti pros. Napa personn apard Bondye ki konn zour ek ler egzakt ki sa gran soufrans pou konmanse. Se pour sa rezon ki Zezi ti demann son bann disip pour kontinyen “veye parski zot pa konnen kan sa ler pou arive.”—Mark 13:33.

—Baze lo Matye sapit 24 ek 25; Mark sapit 13; Lik sapit 21.

^ par. 14 Pour plis lenformasyon lo profesi Zezi, vwar paz 86-95 dan liv Ki Labib i vreman dir? pibliye par Temwen Zeova.