Skip to content

Al lo sa dezyenm lalis

Al lo konteni

Temwen Zeova

Kreol Seselwa

Labib—Ki son mesaz?

Akfer egzamin Labib?

Akfer egzamin Labib?

Eski ou konn byen Labib? Napa en lot liv parey li ki’n ganny distribye plis dan lemonn antye. Dimoun sorti dan tou kiltir in vwar ki son mesaz i donn rekonfor ek lespwar e son konsey i pratik dan diferan laspe dan lavi tou le zour. Kantmenm sa, bokou dimoun ozordi pa konn gran keksoz lo Labib. Ki swa ou relizye oubyen non, petet ou kirye pour konn en pe keksoz lo la. Sa pti liv in ganny fer pour donn ou en pti apersi lo Labib.

AVAN ou pran en Labib e konmans lir li, i ti pou byen ki ou konn detrwa keksoz enportan lo sa liv li menm. Dan Labib, ki osi ganny apele Lekritir Sen, i annan 66 liv ouswa seksyon ki konmans avek Zenez e termin avek Revelasyon ouswa Lapokalips.

Lekel loter Labib? Sa i en kestyon enteresan. An realite, Labib in ganny ekrir par 40 zonm pandan en peryod apepre 1,600-z-an. I enportan pour note ki sa bann zonm pa ti dir ki se zot ki ti loter Labib. Enn sa bann ekriven ti ekrir: “Tou Lekritir i enspire par Bondye.” (2 Timote 3:16) En lot parmi bann ekriven ti dir: “Lespri Zeova ki’n koz atraver mwan e son parol ti lo mon lalang.” (2 Samyel 23:2) Alor, sa bann ekriven ti pe montre ki Zeova, sa Dirizan Tre O dan liniver ki Loter Labib. Sa bann ekriven i osi montre ki Bondye i anvi ki bann imen i apros avek li.

I annan en lot keksoz ki enportan pour arive konpran Labib. An zeneral, Labib i annan en sel tenm: Drwa Bondye pour diriz limanite pou ganny zistifye atraver son Rwayonm ki dan lesyel. Dan sa pti liv, ou pou vwar ki mannyer sa tenm i ganny fer resorti depi Zenez ziska Revelasyon.

Avek sa antet, aprezan egzamin sa mesaz ki dan Labib, sa liv pli popiler dan lemonn antye.

^ par. 9 I annan diferan fason pour idantifye bann dat. Dan sa pti liv, N.L. i endik “Nou Lepok” e A.N.L. i vedir “Avan Nou Lepok.” Ou pou vwar sa lo sa laliny kronolozik ki pou anba lo bann paz.