Skip to content

Al lo sa dezyenm lalis

Al lo konteni

Temwen Zeova

Kreol Seselwa

“Reste dan lanmour Bondye”

 LEZOT LENFORMASYON

Salye paviyon, vote ek servis sivil

Salye paviyon, vote ek servis sivil

Salye paviyon. Pour Temwen Zeova, salye en paviyon ki souvan akonpannyen par en lim nasyonal i en kalite form ladorasyon pour montre ki delivrans pa sorti kot Bondye me i sorti kot sa pei ouswa son dirizan. (Izai 43:11; 1 Korentyen 10:14; 1 Zan 5:21) Lerwa Neboukadnetsar dan ansyen Babilonn ti enn parmi sa kalite dirizan. Pour enpresyonn bann dimoun avek son grander ek devouman relizye, sa lerwa pwisan ti fer konstrir en gran stati e ordonn tou son bann sitwayen pour salye sa stati, ler lanmizik parey en lim nasyonal ti pe ganny zwe. Parkont, trwa Ebre, Sadrak, Mesak ek Abednego ti refize salye sa stati menm si zot ti pou ganny touye konman en pinisyon.​—Danyel sapit 3.

Dan nou letan, en istoryen ki apel Carlton Hayes ti ekrir: “Paviyon i senbol pli enportan lafwa bann nasyonalis e i lobze prensipal ki zot adore. Bann zonm i tir sapo lo zot latet kan i annan en paviyon ki pe ganny pase e pour loue sa paviyon bann poet i ekrir poenm e zanfan i sant lim [nasyonal].” Sa istoryen ti kontinyen par dir ki bann nasyonalis osi i annan zot “zour sen” parey lafet nasyonal le 4 Zilyet Leta-z-ini ek zot “bann sen e ero” e osi zot bann “tanp” ouswa landrwa pelerinaz. Dan en seremoni piblik Brezil, minis zeneral pour larme ti admet: “Paviyon i ganny onore e adore . . . zis parey nou pei kot nou ne i ganny adore.” The Encyclopedia Americana ti fer sa obzervasyon: Wi, “zis parey lakrwa, paviyon osi i sakre.”

 Sa ansiklopedi ki nou fek mansyonnen ti resaman fer remarke ki bann lim nasyonal “i en fason pour demontre santiman patriyotik e i souvan enplik enplor Bondye pour donn son gidans ek proteksyon lepep oubyen son dirizan.” Alor bann serviter Zeova i rezonnab kan zot dir ki bann seremoni patriyotik ki enplik salye paviyon ek lim nasyonal i en form ladorasyon. Anfet, kan i ti pe fer komanter lo zanfan bann Temwen Zeova ki ti refize rann omaz paviyon oubyen fer en serman pour reste fidel avek paviyon kot lekol Leta-z-ini, liv The American Character ti dir: “Plizyer ka dan Lakour Siprenm in alafen de fen konfirmen ki sa bann parol ki zot fer zanfan repete tou le zour i en form ladorasyon.”

Menm si zot pa partisip dan bann seremoni ki pa annakor avek sa ki Labib i dir, sirman pep Zeova i respekte drwa ki lezot i annan pour fer li. Zot osi annan respe pour paviyon konman lanblenm en pei e zot rekonnet ki bann gouvernman in ganny etablir konman “lotorite ki gouvernen” e ki zot “serviter Bondye.” (Romen 13:1-4) Alor, Temwen Zeova i pran aker sa konsey pour priy “pour lerwa ek tou bann ki okip bann plas enportan.” Parkont avek lentansyon “ki [zot] a kapab viv en lavi trankil, anpe, e atase avek Bondye e viv en kondwit respektab e avek dinite.”​—1 Timote 2:2.

Vote dan eleksyon politik. Vre Kretyen i respekte sa drwa ki lezot i annan pour vote. Zot pa fer bann protestasyon kont eleksyon e zot korpere avek sa lotorite ki ganny elekte. Parkont dan bann zafer politik zot pa pran kote avek personn. (Matye 22:21; 1 Pyer 3:16) Ki en Kretyen i devret fer dan en pei kot vote i obligatwar oubyen i annan presyon kont bann ki pa al kot stasyon vote? En Kretyen i kapab mazinen ki Sadrak, Mesak ek Abednego ti ariv ziska kot laplenn Doura e dan en sitiasyon parey i kapab deside pour al kot stasyon vote si son konsyans i permet li. Parkont i pou fer sir ki i pa pe pran kote avek personn. I devret pran aker sa sis prensip:

  1. Bann disip Zezi pa “fer parti lemonn.”​—Zan 15:19.

  2. Bann Kretyen i reprezant Kris ek son Rwayonm.​—Zan 18:36; 2 Korentyen 5:20.

  3.   Kongregasyon Kretyen i ini dan zot krwayans e son bann manm i ini ansanm par lanmour ki parey pour Kris.​—1 Korentyen 1:10; Kolosyen 3:14.

  4. Bann ki elekte en dimoun dan en pozisyon ofisyel, i annan en serten responsabilite pour sa ki sa zofisye i fer. Remark prensip ki par deryer sa parol dan 1 Samyel 8:5, 10-18 ek 1 Timote 5:22.

  5. Lefet ki Izrael ti oule en dirizan parmi bann imen, Zeova ti vwar sa konman en siny ki zot ti’n rezet li.​—1 Samyel 8:7.

  6. Bann Kretyen i devret lib pour koz lo Rwayonm ­Bondye ki pe gouvernen dan lesyel, avek tou dimoun ki siport ­nenport ki parti politik.​—Matye 24:14; 28:19, 20; Ebre 10:35.

Servis sivil. Dan serten pei, bann ki refize fer servis militer, Leta i ekspekte ki pour en serten peryod letan zot devret fer en kalite form servis sivil, setadir ki zot fer en travay volonter pour sa pei oubyen Leta. Kan nou annan bann desizyon parey pour fer, nou devret priy lo la, petet diskit sa sitiasyon avek en Kretyen matir e apre sa fer nou desizyon baze lo nou konsyans dapre lenformasyon ki nou’n gannyen lo sa size.​—Proverb 2:1-5; Filipyen 4:5.

Parol Bondye i dir nou: “Obei zot, [bann dirizan ek lotorite] e ki zot devre touzour pare pour fer tou sa ki byen . . . e montre zot zanmi [oubyen “rezonnab,” NW] e poli avek tou dimoun.” (Tit 3:1, 2) Avek sa antet, nou kapab demann nou lekor sa bann kestyon: ‘Si mon aksepte sa travay sivil ki mon’n ganny propoze, eski mon pou fer konpromi konman en Kretyen lefet ki mon pa pran kote avek personn? Eski mon pou enplike dan bann pratik fo larelizyon?’ (Mika 4:3, 5; 2 Korentyen 6:16, 17) ‘Eski sa travay pou anpes mwan akonplir oubyen fer li difisil pour mwan akonplir mon bann responsabilite konman en Kretyen?’ (Matye 28:19, 20; Efezyen 6:4; Ebre 10:24, 25) ‘De lot kote, si mon aksepte sa servis, eski i pou enplik en progranm ki pou permet mwan fer plis dan aktivite spirityel, petet fer servis aplentan?’​—Ebre 6:11, 12.

Apre ki i’n tonm lo en konklizyon dapre son konsyans, si en  Kretyen i deside fer servis sivil olye al dan prizon, lezot frer ek ser Kretyen i devret respekte son desizyon. (Romen 14:10) Parkont si i santi ki i pa pou kapab fer sa kalite servis, pareyman lezot i devret respekte son desizyon.​—1 Korentyen 10:29; 2 Korentyen 1:24.