Skip to content

Al lo sa dezyenm lalis

Al lo konteni

Temwen Zeova

Kreol Seselwa

“Reste dan lanmour Bondye”

 LEZOT LENFORMASYON

Laviktwar lo mastirbasyon

Laviktwar lo mastirbasyon

Mastirbasyon i en pratik ki pa fer plezir Bondye, i fer ou devlop en latitid kot ou mazin zis ou prop lekor e ou sali ou lespri. * En dimoun ki pratik mastirbasyon i kapab vwar lezot konman bann senp lobze seksyel ki i servi pour satisfer son dezir seksyel. Seks nepli annan nanryen pour fer avek lanmour, i vin zis en move labitid pour satisfer son dezir seksyel e ganny plezir. Me sa i zis tanporer. An realite, dan plas met amor sa bann move dezir, parey “limoralite seksyel, lenpirte” ek lanvi seksyel abnormal, mastirbasyon i ede pour eksit sa dezir.​—Kolosyen 3:5.

Zapot Pol ti ekrir: “Tou sa bann promes in fer pour nou, byenneme; alor annou pirifye nou avek tou sa ki sali lekor ek lespri, e fer tou pour nou vin konpletman sen an vivan avek respe devan Bondye.” (2 Korentyen 7:1) Si ou pe lalit pour aplik sa konsey, pa perdi lespwar. Zeova i toultan “pare pour pardonnen” e pare pour ede. (Psonm 86:5; Lik 11:9-13) Vreman, si dan ou leker ou santi ou koupab e ki ou pe fer zefor pour arete menm si ou arive retonm ankor, sa pe montre en bon latitid. Gard antet osi ki “Bondye i pli gran ki nou leker e i konn tou.” (1 Zan 3:20) Bondye i vwar pli lwen ki nou pese, i vwar sa ki nou ete konman en endividi. Vi ki i konn tou keksoz lo nou, sa i permet li ekout nou avek konpasyon kan nou sipliy li avek senserite pour ganny son mizerikord. Alor, pa arete, me  kontinyen tourn ver Bondye avek limilite ek lapriyer senser, zis parey en zanfan i tourn ver son papa kan i dan difikilte. Zeova pou beni ou par donn ou en konsyans kler. (Psonm 51:1-12, 17; Izai 1:18) Byensir ou pou bezwen azir an armoni avek ou lapriyer. Par egzanp, ou pou bezwen fer bokou zefor pour evit tou form pornografi osi byen ki bann move frekantasyon. *

Si ou problenm mastirbasyon i persiste, ou kapab koz lo sa size avek en paran Kretyen oubyen en frer ki matir spirityelman ek en zanmi ki enterese avek ou. *​—Proverb 1:8, 9; 1 Tesalonisyen 5:14; Tit 2:3-5.

^ par. 2 Mastirbasyon i ler en dimoun i zwe oubyen kares son lorgann seksyel e finalman i ariv lo pik son plezir seksyel.

^ par. 3 Dan serten lakour kot i annan konpiter, bann pa neseser i ganny pran pour ki sa konpiter i ganny mete dan en landrwa kot tou manm fanmir i kapab vwar. Deplis dan serten lakour i annan bann progranm konpiter ki’n ganny enstale ki ede pour retir bann keksoz ki pa akseptab. Kantmenm sa, nou pa kapab depan antyerman lo tou sa bann progranm.

^ par. 1 Pour bann sizesyon pratik, lo ki mannyer pour sirmont sa problenm mastirbasyon, vwar lartik “Young People Ask . . . How Can I Conquer This Habit?” dan Awake!, Novanm 2006 e dan liv Questions Young People Ask—Answers That Work, Volim 1 lo paz  205-11.