Skip to content

Al lo sa dezyenm lalis

Al lo konteni

Temwen Zeova

Kreol Seselwa

Mon liv zistwar Labib

 ZISTWAR 107

Etyenn ti ganny saboule

Etyenn ti ganny saboule

SA ZONM ki pe azenou la i apel Etyenn. I ti en disip fidel Zezi. Me gete ki pe arive avek li la! Sa bann zonm pe saboul li avek bann gro ros. Eski zot pe fer sa move keksoz akoz zot ti ay Etyenn en kantite? Annou vwar.

Bondye ti ed Etyenn pour fer bann mirak merveye. Sa bann zonm pa ti kontan sa, alor zot ti konmans dispit avek li akoz i ti pe ansenny bann dimoun laverite. Me Bondye ti donn Etyenn konnesans, e Etyenn ti dir ki sa bann zonm pa ti pe ansenny laverite. Sa ti fer zot pli ankoler. Alor zot ti atrap li, e zot ti fer bann dimoun vin koz lalang lo li.

Gran pret ti demann avek Etyenn: ‘Eski sa bann keksoz i vre?’ Etyenn ti reponn par fer en gran diskour lo Labib. Alafen son diskour, i ti fer resorti konman ki lontan bann zonm pa ti kontan bann profet Zeova. Apre i ti dir: ‘Zot parey sa bann zonm. Zot in touy serviter Bondye, Zezi, e zot pa’n obeir lalwa Bondye.’

Sa ti fer sa bann sef relizye vreman ankoler! Zot ti grens zot ledan. Me apre Etyenn ti lev son latet, e i ti dir: ‘Gete! Mon vwar Zezi pe debout lo kote drwat Bondye dan lesyel.’ Sa bann zonm ti bous zot zorey e lans lo Etyenn. Zot ti tyonbo li e trenn li an deor lavil.

Zot ti tir zot lenz e donn Sol pour veye. Eski ou vwar Sol? Apre, serten sa bann zonm ti konmans saboul Etyenn avek ros. Etyenn ti azenou, parey ou vwar li la, e i ti priy Bondye: ‘Zeova pa pini zot pour sa move keksoz.’ Etyenn ti konnen ki serten sa bann zonm ti’n ganny anbete par bann sef relizye. Apre sa, Etyenn ti mor.

Kan en dimoun i fer ou keksoz mal, eski ou esey fer parey avek zot, oubyen eski ou demann Bondye pour fer zot ditor? Etyenn ek Zezi pa ti fer sa. Zot ti bon menm avek bann dimoun ki pa ti azir byen avek zot. Annou esey fer parey zot.