Skip to content

Al lo sa dezyenm lalis

Al lo konteni

Temwen Zeova

Kreol Seselwa

Mon liv zistwar Labib

 ZISTWAR 94

Zezi ti kontan bann pti

Zezi ti kontan bann pti

GET Zezi la, i’n ser sa pti garson dan son lebra. Zezi ti vreman kontan bann pti zanfan. Sa bann zonm ki pe gete i son bann zapot. Ki Zezi pe dir zot? Annou vwar.

Zezi ek son bann disip ti fek arive sorti lo en gran vwayaz. Letan ki zot ti dan semen, bann zapot ti pe diskite antre zot. Apre ki zot ti’n fini vwayaze Zezi ti demann zot: ‘Ki zot ti pe diskite dan semen?’ Zezi ti konnen ki zot ti pe diskite. Me i ti demann zot kestyon pour vwar si zot ti pou dir li.

Bann zapot pa ti reponn, akoz zot ti pe diskite avek kanmarad lekel ki pli enportan parmi zot. Serten zapot ti anvi vin pli enportan ki lezot. Konman Zezi ti pou fer zot vwar ki i mal pour pans koumsa?

I ti apel sa pti garson, e i ti met li devan zot. Apre i ti dir avek son bann disip: ‘Mon oule ki zot konn sa, si zot pa sanze e vin parey bann pti zanfan, zot pa pou zanmen antre dan rwayonm Bondye. Sa dimoun ki pli enportan dan rwayonm i sa enn ki vin parey sa zanfan.’ Eski ou konnen akoz Zezi ti dir sa?

Akoz bann pti zanfan pa trakase pour mazinen si zot pli enportan ki lezot. Alor, bann zapot ti devret aprann pour vin parey bann zanfan dan sa fason e pa diskite pour vwar lekel ki pli enportan.

Ti annan lezot moman osi ki Zezi ti montre ki i ti kontan bann zanfan en kantite. Enn de mwan plitar bann dimoun ti anmenn zot zanfan kot Zezi. Bann zapot ti esey anpes sa bann dimoun fer sa. Me Zezi ti dir zot: ‘Les sa bann zanfan vin kot mwan, pa anpes zot, akoz rwayonm Bondye i pour bann dimoun parey zot.’ Apre Zezi ti pran sa bann zanfan dan son lebra, e i ti beni zot. Eski pa i gou pour konnen ki Zezi i kontan bann pti zanfan?