Skip to content

Al lo sa dezyenm lalis

Al lo konteni

Temwen Zeova

Kreol Seselwa

Mon liv zistwar Labib

PARTI 6

Nesans Zezi ziska son lanmor

Nesans Zezi ziska son lanmor

Lanz Gabriyel ti ganny anvoye kot en zenn fiy ki ti apel Mari. I ti dir li ki i pou ganny en pti baba ki pou dirize konman lerwa pour touzour. Sa pti baba, Zezi, ti ne dan en park bef, kot bann berze ti vizit li. Plitar, en zetwal ti gid bann zonm dan Les pour al kot sa pti baba. Nou pou vwar lekel ki ti ed zot pour vwar sa zetwal, e konman Zezi ti ganny sove dan sa lesey pour touy li.

Apre, nou pou vwar Zezi, letan i ti annan 12 an, pe koz avek bann ansennyan dan tanp. Dizwit an plitar Zezi ti ganny batize, e apre sa i ti fer sa travay ki Bondye ti’n anvoy li pour fer lo later, sa travay pres lo rwayonm e ansennyen. Pour ed li dan son travay, Zezi ti swazir 12 zonm e i ti fer zot vin son bann zapot.

Zezi ti osi fer en kantite mirak. I ti nouri plizyer milye dimoun avek selman en pti gin pwason ek en pti gin dipen. I ti geri bann ki ti malad e i ti menm lev bann ki ti’n mor. Finalman, nou pou aprann en kantite keksoz ki ti arive avek Zezi pandan bann dernyen zour son lavi, e konman i ti ganny touye. Zezi ti prese pour apepre 3 an edmi, alor parti 6 i kouver listwar pour apepre plis ki 34 lannen.

 

DAN SA SEKSYON

ZISTWAR 84

En Lanz Ti Vizit Mari

I anmenn en mesaz sorti kot Bondye: Mari pour ganny en pti baba ki pour vin lerwa pour touzour.

ZISTWAR 85

Zezi Ti Ne Dan En Park Bef

Akoz en lerwa ti pour ne kot zannimo i manze?

ZISTWAR 86

Bann Zonm Ti Ganny Gide Par En Zetwal

Lekel ki ti gid sa bann astrolog? Larepons i kapab sirprann ou.

ZISTWAR 87

Zezi ti al dan tanp

I annan en keksoz ki enpresyonn bann zonm kot tanp.

ZISTWAR 88

Zan ti batiz Zezi

Zan Batis ti pe batiz bann peser. Vi ki Zezi pa ti zanmen fer pase, akoz zan ti pour batiz li?

ZISTWAR 89

Zezi ti pous zot dan tanp

Zezi ti demontre en kalite lanmour ki fer li ankoler.

ZISTWAR 90

Avek En Madanm Kot Pwi

Ki mannyer sa delo ki Zezi ti ofer li pa ti pour fer li swaf ankor?

ZISTWAR 91

Zezi lo en montanny

Aprann lasazes merveye dan sa sermon lo montanny.

ZISTWAR 92

Zezi ti resisit bann mor

Avek led Bondye Zezi ti dir detrwa mo e resisit fiy Zairis.

ZISTWAR 93

Zezi ti nouri en lafoul

Ler i ti nouri plizyer milye dimoun, ki pwen enportan Zezi ti prouve?

ZISTWAR 94

Zezi ti kontan bann pti

Zezi ti ansenny son bann zapot ki zot annan bokou pour aprann pa zis lo bann pti zanfan me osi avek bann pti zanfan.

ZISTWAR 95

Fason ki Zezi ti ansennyen

Parabol Zezi lo sa bon Samariten i en legzanp lo lafason ki Zezi ti ansennyen souvan.

ZISTWAR 96

Zezi ti geri bann malad

Ki Zezi ti akonplir par sa mirak ki i ti fer?

ZISTWAR 97

Zezi ti vin konman lerwa

En gran lafoul ti akey li, me pa tou dimoun ki kontan sa.

ZISTWAR 98

Lo Montanny Zolivye

Zezi i dir kat son bann zapot lo bann keksoz ki pe arive dan nou letan.

ZISTWAR 99

Dan en lasanm anler dan letaz

Akoz Zezi ti dir bann disip fer sa repa spesyal sak lannen?

ZISTWAR 100

Zezi dan zarden

Akoz Zida ti trai Zezi par anbras li?

ZISTWAR 101

Zezi ti ganny touye

Ler i ti ganny met amor lo poto i ti fer en promes konsernan paradi.