Skip to content

Al lo sa dezyenm lalis

Al lo konteni

Temwen Zeova

Kreol Seselwa

Mon liv zistwar Labib

 ZISTWAR 54

Sa zonm pli for

Sa zonm pli for

ESKI ou konn non sa zonm pli for ki’n deza viv? I ti apel Sanmson. Se Zeova ki ti donn Sanmson son lafors. Menm avan ki Sanmson ti ne, Zeova ti dir avek son manman: ‘Ou pou ganny en garson. Se li ki pou sov Izrael kont bann Filisten.’

Bann Filisten ti bann move dimoun ki ti reste an Kanaan. Zot ti annan en kantite zonm lager, e zot ti fer ditor bann Izraelit. En zour, pandan ki Sanmson ti pe al kot bann Filisten ti reste, en gro lyon ki ti pe gronnyen ti sorti e vin ver li. Me Sanmson ti touy sa lyon avek son lanmen selman. I ti osi touy plizyer santenn move Filisten.

Plitar Sanmson ti kontan en fiy ki ti apel Dalila. Bann sef Filisten ti promet ki zot ti pou donn Dalila 1,100 pyes larzan si i ti dir zot kwa ki fer Sanmson telman for. Dalila ti oule tou sa larzan. I pa ti en vre zanmi avek Sanmson, oubyen avek pep Bondye. Alor i ti kontinyen demann Sanmson kwa ki fer li telman for.

Finalman, Dalila ti reisi fer Sanmson dir li sekre son lafors. ‘Mon seve pa’n zanmen ganny koupe,’ i ti dir. ‘Depi ki mon’n ne, Bondye in swazir mwan pour vin en serviter spesyal pour li ki apel en Nazireen. Si mon seve i ganny koupe, mon pou perdi mon lafors.’

Bon, kan Dalila ti antann sa, i ti fer Sanmson dormi lo son lazanm. Apre i ti fer en zonm antre e koup seve Sanmson. Kan Sanmson ti leve, i ti’n perdi son lafors. Apre bann Filisten ti vini e atrap li. Zot ti pers tou le de son lizye, e zot ti fer li vin zot lesklav.

En zour bann Filisten ti fer en gro parti pour ador zot bondye Dagonn, e zot ti tir Sanmson dan prizon pour sikann li. Pandan sa letan son seve ti’n konmans pous ankor. Sanmson ti dir avek sa garson ki ti pe anmenn li: ‘Les mwan tous sa bann pilye ki pe tenir sa batiman.’ Apre Sanmson ti priy Zeova pour donn li lafors, e i ti tyonbo sa bann pilye. I ti kriye: ‘Les mwan mor avek bann Filisten.’ Ti annan 3,000 Filisten dan sa parti, e kan Sanmson ti ploy son lekor kont sa bann pilye, sa batiman ti tonbe e touy tou sa bann move dimoun.

Ziz sapit 13 ziska 16.