Skip to content

Al lo sa dezyenm lalis

Al lo konteni

Temwen Zeova

Kreol Seselwa

Mon liv zistwar Labib

 ZISTWAR 21

Bann frer Zozef ti ay li

Bann frer Zozef ti ay li

GETE konman sa garson dan sa portre i fer lapenn. Sa se Zozef. Son bann frer fek vann li avek sa bann zonm ki pe al Lezip. Laba i pou ganny trete konman en lesklav. Akoz ki son bann frer ti’n fer sa move keksoz? Akoz zot ti zalou.

Zot papa Zakob ti kontan Zozef bokou. I ti telman kontan li ki en zour i ti fer koud en zoli kot pour li. Kan son 10 frer ti vwar konman ki Zakob ti kontan Zozef, zot ti zalou e zot pa ti kontan li. Me ti annan en lot rezon akoz ki zot pa ti kontan li.

Zozef ti rev de rev. Dan sa de rev son bann frer ti salye li. Kan Zozef ti rakont son bann frer sa de rev, zot pa ti kontan li plis ankor.

En zour kan son bann frer ti pe okip mouton zot papa, Zakob ti demann Zozef pour al vwar si zot ti byen. Kan son bann frer ti vwar li pe vini, serten parmi zot ti dir: ‘Annou touy li!’ Me Ribenn pli vye frer ti dir: ‘Non, pa fer sa!’ Olye ki zot ti touy li, zot ti met li dan en trou. Apre zot ti deside ki zot pou fer avek li.

Pandan sa letan serten Ismaelit ti pe pase. Zida ti dir avek son bann demi frer: ‘Annou vann li avek sa bann Ismaelit.’ E se sa ki zot ti fer. Zot ti vann li pour 20 pyes larzan. Pa sa ti en move keksoz pour fer!

Ki zot pou dir zot papa? Zot ti touy en kabri e zot ti tranp zoli kot Zozef plizyer fwa dan son disan. Apre zot ti al montre zot papa sa kot e zot ti dir: ‘Nou’n trouv sa. Gete si pa pour Zozef.’

Zakob ti remarke ki sa ti kot Zozef. I ti dir ki ‘en bebet feros ti’n bezwen touy Zozef.’ Se zisteman sa ki bann frer Zozef ti oule ki zot papa i krwar. Zakob ti vreman tris. I ti plere pour plizyer zour. Me Zozef pa’n mor. Annou vwar ki ti arive avek li.

Zenez 37:1-35.