Skip to content

Al lo sa dezyenm lalis

Al lo konteni

Temwen Zeova

Kreol Seselwa

Mon liv zistwar Labib

 ZISTWAR 2

En zoli zarden

En zoli zarden

REGARD later aprezan! Tou keksoz i vreman zoli! Get bann zerb ek bann pye dibwa, bann fler ek bann zannimo. Eski ou vwar lelefan ek bann lyon?

Konman ki sa zarden manifik in aparet? Byen, annou vwar konman ki Bondye ti prepar later pour nou.

Premyerman, Bondye ti kree zerb ver pour kouver later. E i ti kree tou sort kalite pti plant, bann brousay ek bann pye dibwa. Sa bann vezetasyon i pouse e ede pour fer nou later zoli. Me pa zis sa, serten i osi donn nou bann fri ek legim delisye.

Plitar Bondye ti kree pwason pour naz dan delo ek bann zwazo pour anvole dan lesyel. I ti kree lisyen, sat ek seval; bann gro zannimo ek bann pti zannimo. Ki zannimo ki viv dan ou vwazinaz? Pa nou vreman kontan ki Bondye in kree tou sa bann keksoz pour nou?

Finalman, Bondye ti fer en parti later vin en landrwa tre spesyal. I ti apel sa landrwa zarden Edenn. Ti en landrwa vreman merveye, tou keksoz ti manifik. Bondye ti oule ki later antye i vin parey sa zoli zarden.

Me get ankor enn fwa portre sa zarden. Bondye ti vwar ki i mank en keksoz dan sa zarden. Eski ou konnen kwa? Annou vwar.

Zenez 1:11-25; 2:8, 9.