Skip to content

Al lo sa dezyenm lalis

Al lo konteni

Temwen Zeova

Kreol Seselwa

Mon liv zistwar Labib

PARTI 1

Kreasyon ziska Deliz

Kreasyon ziska Deliz

Kote lesyel ek later i sorti? Konman ki soley, lalin ek bann zetwal, ek sa kantite keksoz ki lo later in egziste? Labib i donn vre larepons kan i dir ki zot ti ganny kree par Bondye. Alor nou liv i konmans avek bann zistwar Labib konsernan kreasyon.

Premye kreasyon Bondye ti bann personnaz envizib, zot ti en pe parey Bondye. Zot ti bann lanz. Me later ti ganny kree pour bann dimoun parey nou viv lo la. Bondye ti kree en msye ek en madanm, zot ti apel Adan ek Ev. I ti met zot dan en zoli zarden. Me zot ti dezobei Bondye e zot ti perdi sa drwa pour kontinyen viv.

An tou, depi kreasyon ziska sa gran deliz, ti annan 1,656 lannen. Pandan sa letan ti annan bokou move dimoun ki ti pe viv. Dan lesyel, ti annan sa bann personnaz envizib, Satan ek son bann move lanz. Lo later, ti annan Kaen ek en kantite lezot move dimoun, enkli bann zonm ki ti tre for. Me ti annan osi bann bon dimoun lo later—Abel, Enok ek Noe. Dan sa premye parti nou pou aprann en pe lo sa bann dimoun e sa ki zot ti fer.

 

DAN SA SEKSYON

ZISTWAR 1

Bondye ti kree bann keksoz

Zistwar kreasyon dan Zenez i enteresan e fasil pour konpran, menm pour zanfan.

ZISTWAR 2

En zoli zarden

Dapre liv Zenez, Bondye ti fer zarden Edenn en landrwa spesyal. Bondye i anvi ki later antye i vin parey sa zoli zarden.

ZISTWAR 3

Adan ek Ev

Bondye ti kree Adan ek Ev e met zot dan zarden Edenn. Zot ti a premye koup pour marye.

ZISTWAR 4

Zot an deor zarden

Liv Zenez i dir nou ki mannyer Adan ek Ev ti ganny met an deor zarden.

ZISTWAR 5

En lavi difisil ti konmanse

An deor zarden edenn, Adan ek Ev ti rankontre en kantite problenm. Si selman zot ti’n obei Bondye, zot ek zot zanfan ti pou ere.

ZISTWAR 6

En bon ek en move garson

ZISTWAR Kaen ek Abel, dan liv Zenez i ansenny nou kalite dimoun nou devret ete, latitid ki devret ganny sanze avan i tro.

ZISTWAR 7

En zonm brav

Legzanp Enok i montre ki ou kapab fer sa ki byen menm si tou lezot dimoun otour ou pe fer sa ki mal.

ZISTWAR 8

Bann zean lo later

Zenez sapit 6 i dir nou bann zean ti fer ditor dimoun. Sa bann zean ti zanfan bann lanz dezobeisan ki ti kit lesel e vin imen lo later.

ZISTWAR 9

Noe ti konstri en lars

Noe ek son fanmir ti obei ler dimoun sa letan pa ti obei bann lavertisman konsernan Deliz.

ZISTWAR 10

Gran deliz

Dimoun ti riy Noe. Me zot ti aret riye ler lapli ti konmans tonbe! Annou aprann lo ki mannyer Noe ek son fanmir ti ganny sove e osi bann zannimo.