Skip to content

Al lo sa dezyenm lalis

Al lo konteni

Temwen Zeova

Kreol Seselwa

Leson ki ou kapab aprann dan Labib

 LESON 11

Lafwa Abraam i ganny teste

Lafwa Abraam i ganny teste

Abraam ti ansenny Izaak pour kontan Zeova e pour annan konfyans dan tou bann promes Bondye. Me ler Izaak ti annan 25 an, Zeova ti demann Abraam pour fer en keksoz vreman difisil. Ou konnen kwa?

Bondye ti dir Abraam: ‘Silvouple, pran ou sel garson e ofer li lo enn sa bann montanny dan pei Morya.’ Abraam pa ti konnen akoz Zeova ti demann li pour fer sa. Me kantmenm sa, i ti obei Zeova.

Son lannmen granmaten, Abraam ti pran Izaak ek de serviter e i ti al Morya. Apre trwa zour marse, zot ti konmans vwar bann montanny dan lwen. Abraam ti fer son bann serviter espere anmezir ki li ek Izaak ti al ofer sakrifis. Abraam ti donn Izaak dibwa pour anmennen e Abraam ti pran en kouto. Izaak ti demann son papa: ‘Oli zannimo ki nou pe al sakrifye.’ Abraam ti reponn: ‘Mon garson, Zeova ki pou donn nou.’

Finalman ler zot ti ariv lo montanny, zot ti konstri en lotel. Apre Abraam ti anmar lanmen ek lipye Izaak e i ti met li lo lotel.

Ler Abraam ti pran kouto, lanz Zeova ti dir li: ‘Abraam! Pa bezwen fer sa garson okenn dimal! Aprezan mon konnen ki ou annan lafwa dan Bondye parski ou ti  pare pour sakrifye ou garson.’ Apre Abraam ti vwar en mal mouton ki ti’n pri dan brousay. Deswit i ti delarg Izaak e i ti sakrifye sa mouton.

Depi sa zour, Zeova ti apel Abraam son zanmi. Ou konnen akoz? Parski Abraam ti fer tou sa ki Zeova ti anvi i fer, menm ler i pa ti konpran akoz Zeova ti demann li pour fer sa.

Ankor en fwa, Zeova ti promet Abraam: ‘Mon pou beni ou e mon pou fer ou annan en kantite zanfan.’ Zeova ti osi promet ki i ti pou beni tou bann bon dimoun atraver fanmir Abraam.

“Bondye in telman kontan lemonn ki i’n donn son sel Garson pour ki nenport ki ki demontre lafwa dan li pa ganny detrir me i ganny lavi eternel.”​—Zan 3:16