Skip to content

Al lo sa dezyenm lalis

Al lo konteni

Temwen Zeova

Kreol Seselwa

Leson ki ou kapab aprann dan Labib

 LESON 103

“Ki ou Rwayonm i vini”

“Ki ou Rwayonm i vini”

Zeova ti fer sa promes: ‘I pou nepli annan ni lanmor, ni dey, ni leokri, ni douler ankor. Tou bann move keksoz avan in fini disparet.’

Zeova ti met Adan ek Ev dan zarden Edenn pour viv ere e anpe. Zot ti bezwen ador zot Papa dan lesyel e annan bann zanfan pour ranpli later. Adan ek Ev ti dezobei Zeova, me son plan pa’n zanmen sanze. Dan sa liv nou’n vwar ki tou sa ki Bondye i promet i vin vre. Son Rwayonm pou anmenn bokou bon keksoz lo later zis parey i ti promet Abraam.

Byento Satan, son bann demon ek tou bann move dimoun pou nepli la. Tou dimoun pou ador Zeova. Nou pou nepli malad e mor. O kontrer, toulezour ler nou pou leve, nou pou annan lafors e nou pou kontan ki nou vivan. Later pou’n vin en paradi.  Tou dimoun pou annan bann bon manze e zot pou an sekirite dan zot prop lakaz. Bann dimoun pou kontan kanmarad, personn pa pou kriyel oubyen vyolan. Bann zannimo sovaz pa pou per nou e nou pa pou per zot.

Pa i pou gou ler Zeova i konmans resisit bann dimoun ki’n mor. Nou pou akey bann dimoun ki’n resisite parey Abel, Noe, Abraam, Sara, Moiz, Rit, Ester ek David. Zot pou ed nou fer nou plannet Later vin en paradi. I pou toultan annan bann keksoz enteresan pour fer.

Zeova i anvi ki ou osi ou la. Ou pou aprann konn Zeova pli byen ankor. Alor annou kontinyen vin pli pros avek Zeova depi ozordi menm e pour touzour!

“Zeova nou Bondye, ou merit laglwar, loner ek pwisans, parski ou’n kree tou keksoz e akoz ou lavolonte, zot in vin an egzistans e zot in ganny kree.”​—Revelasyon 4:11