Skip to content

Al lo sa dezyenm lalis

Al lo konteni

Temwen Zeova

Kreol Seselwa

Leson ki ou kapab aprann dan Labib

 LESON 62

En rwayonm parey en gro pye dibwa

En rwayonm parey en gro pye dibwa

En zour swar, Neboukadnezar ti ganny en rev ki ti fer li per. I ti kriy son bann konseye e demann zot ki sa rev i vedir. Me personn pa ti kapab eksplik sa rev. Finalman lerwa ti koz avek Danyel.

Neboukadnezar ti dir Danyel: ‘Dan mon rev, mon ti vwar en pye dibwa. I ti pouse e vin sitan gran ki i ti ariv ziska dan lesyel. Tou dimoun ti kapab vwar sa pye dibwa. I ti annan bann zoli fey ek en kantite fri lo la. Bann zannimo ti reste dan son lonbraz e bann zwazo ti fer zot nik lo son brans. Apre, en lanz sorti dan lesyel ti vini. I ti kriye: “Koup sa pye dibwa ek son bann brans. Me kit son siko ek rasin dan later e met en serk feray ek kwiv otour li. Leker sa pye dibwa pou sanze, i pou nepli parey pour en imen me i pou vin parey pour en bebet. I pou reste koumsa pour set letan. Tou dimoun pou konnen ki Bondye i Sef e i kapab fer nenport dimoun ki i anvi vin lerwa.”’

Zeova ti revel avek Danyel sinifikasyon sa rev. Ler Danyel ti konpran sa rev, i ti per. I ti dir: ‘Mon lerwa, mon ti a swete ki sa i ariv avek ou bann lennmi, me i annan pour fer avek ou. Sa gran pye dibwa ki ti ganny koupe i ou. Ou pou perdi ou rwayonm e ou pou manze zerb parey en zannimo sovaz. Me vi ki lanz ti dir kit siko ek rasin sa pye dibwa dan later, ou pou revin lerwa.’

Enn an pli tar, ler Neboukadnezar ti anler dan son pale, i ti admir Babilonn e dir: ‘Get sa zoli lavil ki mon’n konstri. Get ki mannyer mon enportan.’ Ler i ti pe koze, en lavwa sorti dan lesyel ti dir: ‘Neboukadnezar! La ou’n perdi ou rwayonm.’

A sa moman, Neboukadnezar ti vin fou e parey en zannimo sovaz. I ti oblize kit son pale e reste avek bann zannimo sovaz dan lakanpanny. Seve Neboukadnezar ti pouse e vin parey plim en leg e son zong parey grif en zwazo.

 Apre set an, Neboukadnezar ti revin parey en dimoun normal e Zeova ti fer li vin lerwa Babilonn ankor. Apre Neboukadnezar ti dir: ‘Mon loue Zeova, Lerwa lesyel. Aprezan mon konnen ki Zeova i sa Enn ki dirize. I abes bann dimoun arogan e i kapab fer nenport dimoun ki i anvi vin lerwa.’

“Avan maler, i annan lorgey e avan fo pa, larogans.”​—Proverb 16:18NWT