Skip to content

Al lo sa dezyenm lalis

Al lo konteni

Temwen Zeova

Kreol Seselwa

Leson ki ou kapab aprann dan Labib

 LESON 2

Bondye ti fer sa premye zonm ek madanm

Bondye ti fer sa premye zonm ek madanm

Zeova ti fer en zarden dan en landrwa ki apel Edenn. I ti annan en kantite fler, pye dibwa ek zannimo dan sa zarden. Apre sa, Bondye ti servi lapousyer pour fer sa premye zonm, Adan e i ti soufle dan son nennen. Ki ti arive apre sa? Sa zonm ti vin vivan! Zeova ti demann Adan pour okip zarden e pour donn tou bann zannimo en non.

Me i annan en keksoz ki Zeova ti demann Adan pour pa fer. I ti dir li: ‘Ou kapab manz fri dan tou pye dibwa apard ki sa enn. Si ou manz fri dan sa pye, ou pou mor.’

Pli tar Zeova ti dir: ‘Mon pou fer en led pour Adan.’ Zeova ti fer Adan tonm dan en profon sonmey e ler i ti pe dormi i ti tir enn son kot. I ti servi sa kot pour fer en madanm pour Adan. Sa madanm ti apel Ev. Adan ek Ev ti sa premye fanmir. Ki mannyer  Adan ti santi ler i ti ganny son madanm? Adan ti sitan kontan ki i ti dir: ‘Get sa ki Zeova in fer avek mon kot! Alafendefen, mon’n ganny en dimoun ki parey mwan.’

Zeova ti demann Adan ek Ev pour fer zanfan e ranpli later. I ti oule ki zot travay ansanm dan lazwa pour fer later antye vin en paradi oubyen en zoli zarden, parey zarden Edenn. Me pa sa ki ti arive. Akoz? Nou pou aprann plis lo la dan sa lot sapit.

“Sa enn ki ti kree zot o konmansman ti fer zot zonm ek fanm.”​—Matye 19:4