Skip to content

Al lo sa dezyenm lalis

Al lo konteni

Temwen Zeova

Kreol Seselwa

Ou fanmir i kapab ere

 SEKSYON 3

Konman pour rezourd problenm

Konman pour rezourd problenm

“Annan en gran lanmour pour kanmarad parski lanmour i kouver en kantite pese.”1 Pyer 4:8

Anmezir ki ou ek ou konzwen i konmans viv ansanm, zot kapab rankontre diferan problenm. Sa i akoz zot diferan dan lafason ki zot panse, santi e lafason ki zot vwar lavi. Oubyen problenm i leve pour lezot rezon e akoz bann levennman san ekspekte.

Parfwa nou pa anvi fer fas avek realite me Labib i ankouraz nou pour rezourd nou bann problenm. (Matye 5:23, 24) Ou pou trouv en pli bon solisyon pour ou bann problenm par aplik bann prensip Labib.

 1 DISKIT LO SA PROBLENM

KI LABIB I DIR: “I annan . . . en letan pour koze.” (Eklezyast 3:1, 7) Fer sir ou fer letan pour koz lo sa problenm. Dir ou konzwen fransman sa ki ou santi e sa ki ou panse lo sa size. Toultan “koz laverite” avek ou konzwen. (Efezyen 4:25) Menm si ou vreman ankoler, evite lager. En larepons kalm i kapab anpes sa ki ti sipoze en senp diskisyon vin en lager.Proverb 15:4; 26:20.

Menm kan ou pa dakor, pa zanmen bliye pour demontre ladouser, lanmour ek respe pour ou konzwen. (Kolosyen 4:6) Esey rezourd sa problenm deswit e pa aret koz avek kanmarad.Efezyen 4:26.

KI OU KAPAB FER:

  • Rod en letan apropriye pour diskit lo sa problenm

  • Kan i ler pour ou ekoute, pa bezwen enteronpe. Ou pou ganny sans koze apre

 2 EKOUTE E ESEY KONPRAN

KI LABIB I DIR: “Annan en gran lafeksyon pour kanmarad . . . e setaki montre plis respe pour kanmarad.” (Romen 12:10) Lafason ki ou ekoute i vreman enportan. Esey konpran pwennvi ou konzwen avek ‘menm santiman . . . e avek limilite.’ (1 Pyer 3:8; Zak 1:19) Pa fer krwar ou pe ekoute. Si i posib, met dekote sa ki ou pe fer e donn ou konzwen tou ou latansyon, oubyen demande si ou kapab koz lo la pli tar. Si ou mazin ou konzwen konman ou partner olye ou oponan, ou pa pou “ofans vitman.”Eklezyast 7:9.

KI OU KAPAB FER:

  • Kontinyen ekoute avek en lespri ouver, menm si ou pa kontan ditou sa ki ou pe tande

  • Esey konpran mesaz par deryer sa parol. Obzerv byen zes ek ton lavwa ou konzwen

3 FER SA KI OU’N DESIDE

KI LABIB I DIR: “Tou travay dir i anmenn byenfe me ki rezilta zis koze.” (Proverb 14:23) I pa ase zis pour tonm dakor lo en bon solisyon. Ou bezwen fer sa ki zot tou le de in deside. Sa i demann en kantite travay ek zefor me i vo lapenn. (Proverb 10:4) Si ou travay ansanm konman en tim, ou pou ganny “en bon rekonpans” pour ou travay dir.Eklezyast 4:9.

KI OU KAPAB FER:

  • Deside ki bann pa pratik sakenn i kapab pran pour rezourd zot problenm

  • Tanzantan, egzamin ou progre