Skip to content

Al lo sa dezyenm lalis

Al lo konteni

Temwen Zeova

Kreol Seselwa

Ou fanmir i kapab ere

 SEKSYON 4

Konman pour byen servi larzan

Konman pour byen servi larzan

“Par konsilte kanmarad, plan pou reisi.”Proverb 20:18

Nou tou nou bezwen larzan pour donn nou fanmir sa ki zot bezwen. (Proverb 30:8) Apre tou, “larzan i fourni en proteksyon.” (Eklezyast 7:12) Konman en koup, i kapab difisil pour koz lo larzan me pa les larzan kree problenm dan zot maryaz. (Efezyen 4:32) En koup i devret annan konfyans dan kanmarad e travay ansanm kan zot pe deside ki kantite larzan pour depanse.

 1 BYEN PLANIFYE

KI LABIB I DIR: “Lekel parmi zot ki bezwen fer en gran batiman, ki pa asize premyerman e estimen konbyen i pou koute, e war si i annan ase larzan pour fer sa travay?” (Lik 14:28) I enportan ki zot desid ansanm ki mannyer pour servi zot larzan. (Amos 3:3) Deside sa ki ou bezwen aste e ki kantite ou kapab depanse. (Proverb 31:16) Zis akoz ou annan larzan pour aste en keksoz, sa pa vedir ki ou bezwen aste li. Esey evite annan det. Depans selman sa larzan ki ou annan.Proverb 21:5; 22:7.

KI OU KAPAB FER:

  • Si i reste ou ankor larzan a lafen le mwan, deside ansanm ki pour fer avek

  • Si ou’n depans an plis, fer en plan pour redwir ou depans. Par egzanp, ou kapab prepar ou prop manze olye aste manze

 2 ANNAN EN LESPRI OUVER E VWAR KEKSOZ DAN EN FASON REALISTIK

KI LABIB I DIR: “Nou oule fer keksoz ki byen, pa zis devan Senyer, me osi devan tou dimoun.” (2 Korentyen 8:21) Pa kasyet avek ou konzwen kantite larzan ki ou gannyen e depanse.

Toultan koz avek ou konzwen kan pe fer bann gro desizyon konsernan servi larzan. (Proverb 13:10) Kominikasyon konsernan larzan pou ede gard lape dan ou maryaz. Vwar larzan ki ou gannyen konman larzan lafanmir me pa pour ou tousel.1 Timote 5:8.

KI OU KAPAB FER:

  • Tonm dakor lo en serten kantite larzan ki zot kapab servi san konsilte kanmarad

  • Pa bezwen esper ler en problenm i leve pour koz lo larzan