Skip to content

Al lo sa dezyenm lalis

Al lo konteni

Temwen Zeova

Kreol Seselwa

Ou fanmir i kapab ere

 SEKSYON 1

Rod led Bondye pour en maryaz ere

Rod led Bondye pour en maryaz ere

“Depi o konmansman kreater ti fer zot mal ek femel.”​—Matye 19:4

Zeova * ti marye sa premye koup imen. Labib i dir nou ki i ti kree sa premye fanm e “anmenn li kot sa zonm.” Adan ti sitan kontan ki i ti dir: “Anfen lezo sorti dan mon lezo e laser sorti dan mon laser.” (Zenez 2:22, 23) Zeova in touzour anvi ki bann koup marye i ere.

Kan ou marye, ou kapab panse ki tou keksoz pou parfe. An realite, menm en msye ek madanm ki vreman kontan kanmarad pou rankontre serten problenm. (1 Korentyen 7:28) Dan sa brosir, ou pou trouv bann prensip Labib, si ou aplik li, i kapab fer ou maryaz ek lavi fanmir ere.​—Psonm 19:8-11.

 1 AKSEPTE SA ROL KI ZEOVA IN DONN OU

KI LABIB I DIR: En msye i sef lafanmir.​—Efezyen 5:23.

Si ou en msye, Zeova i ekspekte ou pour pran swen avek ou madanm avek tandres. (1 Pyer 3:7) I’n fer li konman en konpanny pour ou e i anvi ou tret li avek dinyite ek lanmour. (Zenez 2:18) Ou devret telman kontan ou madanm ki ou pare pour met son lentere avan pour ou.​—Efezyen 5:25-29.

Si ou en madanm, Zeova i ekspekte ou pour annan en gran respe pour ou msye e pour ed li akonpli son rol. (1 Korentyen 11:3; Efezyen 5:33) Siport son bann desizyon e avek tou ou leker korpere avek li. (Kolosyen 3:18) Kan ou fer sa, ou pou zoli dan lizye ou msye ek Zeova. ​—1 Pyer 3:1-6.

KI OU KAPAB FER:

  • Demann ou konzwen ki mannyer ou kapab vin en pli bon msye ouswa madanm. Ekout atantivman e fer sa ki ou kapab pour amelyore

  • Annan pasyans. I pou pran letan pour zot tou le de aprann ki mannyer pour fer kanmarad kontan

2 SENSERMAN ENTERESE AVEK SANTIMAN OU KONZWEN

KI LABIB I DIR: Ou bezwen pran aker lentere ou konzwen. (Filipyen 2:3, 4) Fer ou konzwen santi ki i presye pour ou, pa bliye ki Zeova i ekspekte son bann serviter pour ‘zantiy avek tou dimoun.’ (2 Timote 2:24) “Bann parol san reflesir i parey bann kou lepe, me lalang en dimoun saz i en gerizon.” Alor swazir byen ou bann mo. (Proverb 12:18) Lespri sen Zeova pou ed ou pour koz zantiman e avek lanmour.​—Galat 5:22, 23; Kolosyen 4:6.

KI OU KAPAB FER:

  • Priye pour ganny led pour ki ou reste kalm e gard en lespri ouver avan ki ou koz avek ou konzwen lo bann topik serye

  • Reflesir byen lo sa ki ou pou dir e ki mannyer ou pou dir li

 3 PRAN DESIZYON ANSANM KONMAN EN TIM

KI LABIB I DIR: Kan ou marye, ou ek ou konzwen zot vin en “sel laser.” (Matye 19:5) Kantmenm sa zot de dimoun diferan e zot lopinyon osi i kapab diferan. Alor ou bezwen aprann pour ini ansanm dan ou panse ek santiman. (Filipyen 2:2) Linite i esansyel kan ou pe pran bann desizyon. Labib i dir: “Par konsilte kanmarad, plan pou reisi.” (Proverb 20:18) Les bann prensip Labib gid ou ler ou pe fer bann desizyon enportan ansanm.​—Proverb 8:32, 33.

KI OU KAPAB FER:

  • Ler ou koz avek ou konzwen pa zis partaz lenformasyon oubyen ou lopinyon me partaz osi ou santiman

  • Koz avek ou konzwen avan fer okenn langazman

^ par. 4 Zeova i non Bondye ki trouve dan Labib.