Skip to content

Al lo sa dezyenm lalis

Al lo konteni

Temwen Zeova

Kreol Seselwa

Rwayonm Bondye pe dirize!

Gos: En ser ki en colporteur pe prese Kore an 1931; drwat: Predikasyon dan langaz siny Kore ozordi

 SEKSYON 2

Predikasyon Rwayonm​—Anons sa bon nouvel partou dan lemonn

Predikasyon Rwayonm​—Anons sa bon nouvel partou dan lemonn

 OU NORMALMAN prepar ou pour predikasyon zour ki ou pa pe travay. Ou ezite pour en moman akoz ou santi ou en pe fatige. Pa ti a mal dormi ziska tar! Me ou priy lo la epi ou deside pour ale. Ou pres avek en ser aze fidel ki son landirans ek labonte i tous ou bokou. Anmezir zot anons laverite kaz an kaz, ou realize ki ou bann frer ek ser dan lemonn antye pe partisipe zot osi pour anons menm mesaz ki ou, zot servi menm piblikasyon e zot in ganny menm formasyon. Letan ki ou ariv kot ou, ou santi ou ankouraze. Ou vreman kontan ki ou pa ti reste kot lakaz.

Konmela, predikasyon i sa travay pli enportan pour Rwayonm Bondye. Zezi ti predir ki predikasyon ti pou ganny fer dan en fason ekstraordiner dan bann dernyen zour. (Mat. 24:14) Ki mannyer sa profesi in ganny akonplir? Dan sa seksyon nou pou vwar legzanp bann dimoun, metod ek zouti ki’n sitan enportan pour predikasyon e ki’n ed plizyer milyon dan lemonn antye pour vwar Rwayonm Bondye konman en gouvernman reel.

DAN SA SEKSYON

SAPIT 6

Bann dimoun ki prese​—Bann predikater ki ofer zot lekor volonterman

Akoz Zezi ti annan konfyans ki i ti pou annan bann volonter ki ti pou siport li pandan bann dernyen zour? Ki mannyer ou kapab montre ki ou pe rod plito Rwayonm Bondye?

SAPIT 7

Metod pour prese​—Servi diferan metod pour zwenn plis dimoun posib

Diferan metod ek mwayen teknik ki pep Bondye in srevi pour swenn pli dimoun posib avek sa bon nouvel avan ki lafen i vini.

SAPIT 8

Diferan zouti predikasyon​—Prodiksyon piblikasyon pour lemonn antye

Ki mannyer travay tradiksyon i montre ki nou annan led Zezi? Prodiksyon piblikasyon pour lemonn antye?

SAPIT 9

Rezilta predikasyon​—“Bann lagrenn in mir e in pare pour larekolt”

Zezi ti ansenny de leson enportan son bann disip konsernan sa gran rekolt spirityel. Ki leson nou kapab tire avek sa?