Skip to content

Al lo sa dezyenm lalis

Al lo konteni

Temwen Zeova

Kreol Seselwa

Rwayonm Bondye pe dirize!

Gos: En renyon o plenner Lonn, Langleter, 1945; drwat: Lasanble spesyal Malawi, Lafrik, 2012

 SEKSYON 5

Ledikasyon Rwayonm​—Formasyon bann serviter Lerwa

Ledikasyon Rwayonm​—Formasyon bann serviter Lerwa

 OU ANKOURAZ sa orater ki devan par fer li en zoli sourir. I en zenn frer dan ou kongregasyon e i pe fer son premye partisipasyon dan lasanble. Ou kontan son diskour, ou emerveye par sa formasyon ki pep Bondye i gannyen. Ou rapel son premye ekspoze lo platform e ou zis pe mazin tou sa ki i’n fer pour ariv la. I ti fer bokou progre apre ki i ti’n asiste Lekol Pionye. Tou resaman, li ek son madanm zot in asiste Lekol pour bann predikater Rwayonm. Ler ou pe bat lanmen apre son diskour, ou vir otour ou e reflesir lo sa formasyon ki pep Bondye antye i gannyen.

Labib ti predir en letan kot pep Bondye antye ti pou ganny “ansennyen par Zeova.” (Iza. 54:13) Nou pe viv dan sa letan. Nou pe ganny ansennyen pa zis atraver nou bann piblikasyon, me osi atraver renyon, bann diferan lasanble e bann lekol ki’n ganny fer pour prepar nou pour serten privilez dan lorganizasyon Zeova. Dan sa seksyon, nou pou vwar ki mannyer sa lansennyman in donn en laprev solid ki Rwayonm Bondye pe dirize la konmela.

DAN SA SEKSYON

SAPIT 16

Rasanble ansanm pour ladorasyon

Ki mannyer nou kapab pli byen benefisye avek bann renyon pour ador Zeova?

SAPIT 17

Form bann predikater sa Rwayonm

Ki mannyer bann lekol in prepar bann predikater Rwayonm pour desarz zot responsabilite?