Skip to content

Al lo sa dezyenm lalis

Al lo konteni

Temwen Zeova

Kreol Seselwa

Rwayonm Bondye pe dirize!

Gos: En frer pe ganny arete Eindhoven, Pei Ba, 1945 akoz i pe prese. Drwat: Eski lalwa ou pei i permet ou pres libreman?

 SEKSYON 4

Bann laviktwar sa Rwayonm​—Etabli sa bon nouvel devan bann lotorite

Bann laviktwar sa Rwayonm​—Etabli sa bon nouvel devan bann lotorite

 LETAN ki ou pe pres portanport, dan lwen ou tann son lasirenn. Sa tapaz i ptitapti vin pli for. Anmezir ou konmans koz avek sa lot met lakour, ou konpanyon predikasyon i ganny distrer ler en loto lapolis i aprose. En gard i sorti, vin kot zot e demande: “Zot menm zot ki pe pas portanport pe koz lo Labib? Nou’n resevwar konplent avek manm piblik!” Avek respe ou reponn sa gard e dir li ki zot Temwen Zeova. Ki arive apre?

I pou tou depan lo sa ki’n arive dan lepase. Diran bann lannen ki’n pase, ki mannyer gouvernman sa pei in tret Temwen Zeova? Eski i annan en serten liberte relizye? Si wi, petet i pou tou depan lo lafason ki ou bann frer ek ser oparavan in azir pour defann e etabli sa bon nouvel devan lotorite. (Fili. 1:7) Nenport kote ou reste, ou lafwa i kapab ganny ranforsi ler ou egzamin sa kantite laviktwar ankour ki Temwen Zeova in gannyen. Dan sa seksyon, nou pou egzamin serten sa bann laviktwar remarkab. Sa bann laviktwar ki i’n annan i donn laprev konkret ki sa Rwayonm i reel akoz fransman nou pa ti pou’n kapab akonpli sa kantite lo nou menm!

DAN SA SEKSYON

SAPIT 13

Bann predikater Rwayonm i anmenn zot ka ankour

Serten ziz dan nou letan in annan menm pwennvi ki sa ansenyan Lalwa ki ti apel Gamalyel.

SAPIT 14

Zot fidelman siport zis gouvernman Bondye

“Larivyer” persekisyon kont Temwen Zeova akoz zot pa pran kote dan lemonn ti ganny arete par en lot sours ki personn pa ti ekspekte.

SAPIT 15

Lalit pour ador Bondye libreman

Pep Bondye in lalit pour defann son drwa pour obei lalwa Rwayonm Bondye.