Skip to content

Al lo sa dezyenm lalis

Al lo konteni

Temwen Zeova

Kreol Seselwa

Bon nouvel sorti kot Bondye!

 LESON 14

Akoz Bondye i annan en lorganizasyon?

Akoz Bondye i annan en lorganizasyon?

1. Akoz nasyon Izrael ti bezwen vin en lorganizasyon?

Bondye ti fer desandans Abraam vin en nasyon e i ti donn zot bann lalwa. I ti apel sa nasyon “Izrael” e Bondye ti donn zot sa responsabilite pour protez son parol ek vre ladorasyon. (Psonm 147:19, 20) Anfet, bann dimoun sorti dan tou nasyon ti kapab benefisye atraver nasyon Izrael.Lir Zenez 22:18.

Bondye ti swazir bann Izraelit pour ki zot vin son bann temwen. Zot listwar i montre ki mannyer bann dimoun i kapab benefisye si zot obeir lalwa Bondye. (Deterononm 4:6) Alor, atraver nasyon Izrael, lezot dimoun ti kapab konn sa sel vre Bondye.Lir Izai 43:10, 12.

2. Akoz bann vre Kretyen in vin en lorganizasyon?

Avek letan, nasyon Izrael ti perdi laprouvasyon Bondye e Zeova ti ranplas sa nasyon avek kongregasyon Kretyen. (Matye 21:43; 23:37, 38) Prezan, dan plas bann Izraelit se bann vre Kretyen ki’n vin bann temwen Zeova.Lir Akt 15:14, 17.

Zezi ti organiz son bann disip pour ki zot al prese e fer dimoun dan tou nasyon vin son disip. (Matye 10:7, 11; 24:14; 28:19, 20) Sa travay in ariv lo son pik la konmela pandan sa bann dernyen zour. Pour premye fwa dan listwar imen, Zeova in ini ansanm dan vre ladorasyon plizyer milyon dimoun sorti dan tou nasyon. (Revelasyon 7:9, 10) Bann vre Kretyen in ganny organize pour ankouraz e ed kanmarad. Dan lemonn antye, zot annan menm progranm lansennyman baze lo Labib dan zot bann renyon.Lir Ebre 10:24, 25.

 3. Ki mannyer lorganizasyon Temwen Zeova in konmanse dan nou letan?

Dan bann lannen 1870, en pti group etidyan Labib ti konmans etidye pour retrouv bann laverite dan Labib. Zot ti konnen ki Zezi ti’n organiz kongregasyon Kretyen pour prese, alor zot ti konmans en kanpanny predikasyon lo Rwayonm dan lemonn antye. Lannen 1931, zot ti pran sa non Temwen Zeova.Lir Akt 1:8; 2:1, 4; 5:42.

4. Ki mannyer Temwen Zeova i organize?

Dan premye syek, bann kongregasyon Kretyen dan plizyer pei ti aksepte gidans en konsey direkter ki ti rekonnet Zezi konman Sef kongregasyon. (Akt 16:4, 5) Pareyman ozordi, Temwen Zeova dan lemonn antye pe aksepte gidans Konsey Direkter. Konsey Direkter i en group ansyen eksperyanse. Zot ki ansarz bann biro brans Temwen Zeova dan lemonn antye ki tradwir, enprimen e distribye bann piblikasyon baze lo Labib dan plis ki 600 langaz. Dan sa fason, Konsey Direkter pe donn lankourazman ek gidans sa plis ki 100,000 kongregasyon dan lemonn. Dan sak kongregasyon, i annan bann zonm kalifye ki pran swen avek sa kongregasyon avek lanmour konman ansyen oubyen sirveyan.Lir 1 Pyer 5:2, 3.

Temwen Zeova i organize pour anons sa bon nouvel e fer bann dimoun vin disip Zezi. Parey bann zapot, nou pres kaz an kaz. (Akt 20:20) Nou osi ofer letid Labib avek bann dimoun senser ki anvi konn laverite. Me Temwen Zeova pa zis en lorganizasyon. Nou osi en fanmir avek en Papa ki kontan nou. Nou bann frer ek ser ki pran swen avek kanmarad. (2 Tesalonisyen 1:3) Vi ki pep Zeova i organize pour fer plezir Bondye e ed lezot, zot sa fanmir pli ere lo later.Lir Psonm 33:12; Akt 20:35.