Skip to content

Al lo sa dezyenm lalis

Al lo konteni

Temwen Zeova

Kreol Seselwa

Bon nouvel sorti kot Bondye!

 LESON 15

Akoz ou devret kontinyen?

Akoz ou devret kontinyen?

1. Ki byenfe ou pou gannyen si ou kontinyen etidye?

Sirman, sa ki ou’n aprann lo bann lansennyman Labib in ranforsi ou lanmour pour Zeova. Ou bezwen kontinyen fer sa lanmour vin pli for. (1 Pyer 2:2) Pour ganny lavi eternel, ou bezwen etidye Parol Bondye pour ki ou kapab vin pli pros avek li.Lir Zan 17:3; Zid 21.

Pli ou konnesans lo Bondye pou agrandi, pli ou lafwa pou vin pli for. Lafwa pou ed ou fer plezir Bondye. (Ebre 11:1, 6) Lafwa pou pous ou pour repantir e fer bann sanzman pozitif dan ou fason viv.Lir Akt 3:19.

2. Ki byenfe lezot i gannyen gras a ou konnesans lo Bondye?

Ou kapab annan en relasyon vreman spesyal avek Zeova

Normalman, ou pou anvi partaz sa ki ou’n aprann avek lezot akoz nou tou nou kontan rakont en bon nouvel. Anmezir ou pou kontinyen etidye Labib, ou pou aprann konman pour servi Labib pour defann ou lafwa dan Zeova e dan sa bon nouvel.Lir Romen 10:13-15.

Laplipar dimoun i konmans koz lo sa bon nouvel avek zot zanmi ek fanmir. Servi bon zizman ek ladouser. Olye dir zot ki zot larelizyon pa bon, koz avek zot lo bann promes Bondye. Mazinen ki ou bon fason azir pou souvan annan plis lefe lo lezot ki sa ki ou dir.Lir 2 Timote 2:24, 25.

3. Ki kalite relasyon ou kapab annan avek Bondye?

Ou pou vin pli for spirityelman si ou etidye Parol Bondye. Avek letan, ou pou annan en relasyon vreman spesyal avek Zeova. Ou pou menm kapab vin pour li konmsi ou en manm son fanmir. Lir 2 Korentyen 6:18.

 4. Ki mannyer ou kapab kontinyen progrese?

Ou kapab progrese spirityelman si ou kontinyen etidye Parol Bondye. (Ebre 5:13, 14) Akoz ou pa demann en Temwen Zeova pour etidye Labib avek ou par servi sa liv Ki Labib i dir? Pli ou pou aprann Parol Bondye, pli ou pou reisi dan ou lavi.Lir Psonm 1:1-3; 73:27, 28.

Sa bon nouvel i sorti kot Zeova, sa Bondye ki ere. Ou kapab vin pli pros avek Bondye si ou vin pli pros avek son pep. (Ebre 10:24, 25) Si ou kontinyen fer zefor pour fer plezir Bondye, en zour ou pou ganny sa vre lavi e sa se lavi eternel. Vin pli pros avek Bondye i sa pli bon keksoz ki ou kapab fer.Lir 1 Timote 1:11, NW; 6:19.