Skip to content

Al lo sa dezyenm lalis

Al lo konteni

Temwen Zeova

Kreol Seselwa

Bon nouvel sorti kot Bondye!

 LESON 1

Ki si sa sa bon nouvel?

Ki si sa sa bon nouvel?

1. Ki si sa sa bon nouvel sorti kot Bondye?

Bondye i oule ki bann dimoun i viv ere lo later. I ti kre later ek tou sa ki annan lo la parski i kontan bann imen. Byento, i pou pran aksyon e bann dimoun dan tou pei pou ganny en pli bon lavenir. I pou tir tou sa ki fer limanite soufer.Lir Zeremi 29:11.

Napa okenn gouvernman ki’n nobou tir vyolans, maladi ek lanmor. Me i annan en bon nouvel. Tre byento Bondye pou retir tou bann gouvernman imen e ranplas zot avek son gouvernman. Bann sitwayen sa gouvernman pou viv anpe e an bonn sante.Lir Izai 25:8; 33:24; Danyel 2:44.

2. Akoz sa bon nouvel i enportan dan nou letan?

Soufrans pou vreman fini ler Bondye pou retir bann move dimoun lo later. (Tsefanya 2:3) Kan ki sa pou arive? Parol Bondye ti predir bann kondisyon ki konmela pe afekte limanite. Sa ki pe arive lo later konmela i montre ki Bondye i pros pour pran aksyon.Lir 2 Timote 3:1-5.

3. Ki nou devret fer?

Nou devret aprann lo Bondye atraver son Parol Labib. Labib i parey en let sorti kot en bon papa. Labib i ed nou viv en pli bon lavi la konmela e i montre nou konman pour viv pour touzour lo later a lavenir. I vre, petet serten pa pou kontan ki ou pe aprann plis lo Labib. Me pa les sa gat ou sans pour ganny en lavenir merveye.Lir Proverb 29:25; Revelasyon 14:6, 7.