Skip to content

Al lo sa dezyenm lalis

Al lo konteni

Temwen Zeova

Kreol Seselwa

Bon nouvel sorti kot Bondye!

 LESON 6

Ki lespwar i annan pour bann dimoun mor?

Ki lespwar i annan pour bann dimoun mor?

1. Ki bon nouvel i annan lo bann dimoun mor?

Ler Zezi ti ariv Betani, o bor Zerizalenm, son zanmi Lazar ti’n mor pour kat zour. Zezi ti al kot son tonbo avek Mart ek Mari, ser sa defen. Deswit apre, en kantite dimoun ti vin laba. Eski ou kapab imazin lazwa Mart ek Mari ler Zezi ti redonn lavi Lazar?Lir Zan 11:21-24, 38-44.

Mart ti deza konn sa bon nouvel lo bann dimoun mor. I ti konnen ki Zeova ti pou resisit bann mor pour ki zot viv ankor lo later.Lir Zob 14:14, 15.

2. Ki arive ler nou mor?

Bondye ti dir Adan: “Ou lapousyer e ou pou retourn an pousyer.”ZENEZ 3:19.

Bann imen in ganny fer avek lapousyer. (Zenez 2:7; 3:19) Nou pa bann lespri ki pe viv dan lekor imen. Nou annan en lekor fizik e ler nou mor napa nanryen dan nou ki kontinyen viv. Ler nou mor, nou laservel i mor osi e nou bann panse i fini lanmenm. Sanmenm Lazar pa ti dir nanryen lo sa ki ti arive ler i ti mor akoz bann mor pa konsyan nanryen.—Lir Psonm 146:4; Eklezyast 9:5, 6, 10.

Eski Bondye i fer bann dimoun soufer dan dife apre lanmor? Vi ki Labib i montre ki bann dimoun mor pa konsyan nanryen, lanfer dife i en mansonz ki sali repitasyon Bondye. Zis sa nide li menm pour tourmant dimoun dan dife i detestab pour Zeova.Lir Zeremi 7:31.

 3. Eski bann dimoun mor i kapab koz avek nou?

Bann dimoun mor pa kapab ni koze, ni tande. (Psonm 115:17) Me i annan bann move lanz ki egziste e zot zot kapab koz avek bann dimoun e fer krwar ki se zot sa dimoun ki’n mor. (2 Pyer 2:4) Zeova i demann nou pour pa esey kominik avek dimoun mor.Lir Deterononm 18:10, 11.

4. Lekel ki pou resisite?

Plizyer milyon dimoun ki’n mor pou ganny resisite lo later. Menm serten ki pa ti konn Bondye e fer lemal pou ganny resisite.Lir Lik 23:43; Akt 24:15.

Bann ki pou resisite pou kapab aprann laverite lo Bondye e demontre lafwa dan Zezi par obeir li. (Revelasyon 20:11-13) Bann ki resisite e fer sa ki byen pou kapab viv pour touzour lo later.Lir Zan 5:28, 29.

5. Ki rezireksyon i fer nou konnen lo Zeova?

I annan en lespwar pour bann dimoun mor akoz Bondye in anvoy son Garson pour mor pour nou. Alor, lespwar rezireksyon i montre nou ki Zeova i kontan nou e ki i annan en labonte ekstraordiner anver nou. Ler bann dimoun mor pou resisite, lekel ki ou ti pou byen kontan revwar?Lir Zan 3:16; Romen 6:23.