Skip to content

Al lo sa dezyenm lalis

Al lo konteni

Temwen Zeova

Kreol Seselwa

Bon nouvel sorti kot Bondye!

 LESON 3

Eski sa bon nouvel dan Labib i vreman sorti kot Bondye?

Eski sa bon nouvel dan Labib i vreman sorti kot Bondye?

1. Lekel Loter Labib?

Se dan Labib ki nou trouv sa bon nouvel ki bann dimoun pou viv pour touzour lo later. (Psonm 37:29) Bondye ti servi 40 zonm pour ekrir sa 66 pti liv ki dan Labib. Moiz ti ekrir sa senk premye liv apepre 3,500-z-an pase. Zapot Zan ti ekrir sa dernyen liv preski 1,900-z-an pase. Pwennvi lekel ki sa bann dimoun ti ekrir lo la dan Labib? Bondye ti servi son lespri sen pour pas son mesaz avek sa bann ekriven. (2 Samyel 23:2) Sa ki zot ti ekrir ti bann panse Bondye, pa zot prop panse. Pour sa rezon, Zeova ki Loter Labib.Lir 2 Timote 3:16; 2 Pyer 1:20, 21.

2. Akoz nou kapab asire ki sa ki Labib i dir i laverite?

Nou konnen ki Labib i sorti kot Bondye akoz i predir lavenir dan en fason presi e egzakt. Napa okenn imen ki kapab fer sa. (Zozye 23:14) Zis Bondye Tou Pwisan ki kapab vreman predir lavenir limanite.Lir Izai 42:9; 46:10.

Si en liv i sorti kot Bondye, i pou bezwen inik e sa i le ka. I annan plizyer bilyon kopi Labib dan plizyer santenn langaz ki’n ganny distribye. Menm si i’n ganny ekrir en bann letan pase, i annakor avek lasyans. Deplis, sa 40 ekriven pa’n kontredir kanmarad. * An plis ki sa, sa ki Labib i dir lo lanmour i selman kapab sorti kot sa vre Bondye e i ankor annan sa pwisans pour sanz lavi dimoun pour le meyer. Tou sa la in konvenk plizyer milyon dimoun ki Labib i Parol Bondye.Lir 1 Tesalonisyen 2:13.

 3. Labib i koz lo kwa?

Labib i koz prensipalman lo sa plan ki Bondye i annan pour limanite. I eksplike ki mannyer zonm ti perdi sa privilez pour viv dan Paradi lo later o konmansman listwar imen e ki mannyer later pou revin en Paradi.Lir Revelasyon 21:4, 5.

Dan Parol Bondye i annan bann lalwa, prensip ek konsey. I osi rakont tou sa ki Bondye in fer pour bann imen e sa i ed nou pour pli byen konpran son personnalite. Alor, Labib i kapab ed ou konn Bondye e vin son zanmi.Lir Psonm 19:7, 11; Zak 2:23; 4:8.

4. Ki mannyer ou kapab konpran Labib?

Sa pti liv pou ed ou konpran Labib akoz i servi menm metod ki Zezi. Zezi ti abitye refer avek diferan verse dan Labib e eksplik zot pour ki bann dimoun i “kapab konpran Lekritir.”Lir Lik 24:27, 45.

Napa en keksoz ki pli ekstraordiner ki sa bon nouvel sorti kot Bondye, pa i vre? Pourtan, bokou dimoun pa fatig zot ouswa pa aksepte sa ki Labib i dir lo sa bon nouvel. Me ou, pa dekouraze. Ou lespwar pour ganny lavi eternel i tou depan lo si ou pou aprann konn Bondye.Lir Zan 17:2, 3.

 

^ par. 3 Vwar sa pti liv A Book for All People.