Skip to content

Al lo sa dezyenm lalis

Al lo konteni

Temwen Zeova

Kreol Seselwa

Ansenny ou zanfan

 LESON 1

En sekre ki nou kontan pour konnen

En sekre ki nou kontan pour konnen

Eski en dimoun in deza dir ou en sekre?— * Labib i koz lo en “sekre” ki spesyal akoz i sorti kot Bondye. I en sekre akoz dimoun pa ti konnen. Menm bann lanz ti anvi konn sa sekre. Eski ou ti a kontan konn sa sekre?—

Ki ou krwar bann lanz ti anvi konnen?

En kantite letan pase, Bondye ti kre premye msye ek premye madanm. Zot ti apel Adan ek Ev. Bondye ti fer zot reste dan en zoli zarden ki ti apel zarden Edenn. Si Adan ek Ev ti’n obei Bondye, zot ek zot zanfan zot ti pou kapab fer later antye vin en paradi parey sa zoli zarden. Zot ti pou kapab reste dan Paradi pour touzour. Eski ou rapel ki Adan ek Ev ti fer?—

Adan ek Ev ti dezobei Bondye e sanmenm sa nou pa pe viv dan en paradi ozordi. Me, Bondye in dir ki i pou fer later antye vin zoli en zour e tou dimoun pou ere e pou viv pour touzour. Ki mannyer i pou fer sa? I ti en sekre sa. Alor, dimoun pa ti konnen pour en kantite letan.

Kan Zezi ti vin lo later, i ti koz avek bann dimoun en pe plis lo sa sekre ler i ti donn detay lo Rwayonm Bondye. I ti demann bann dimoun pour priye pour ki sa Rwayonm i vini. Sa Rwayonm pou fer later antye vin en zoli paradi.

Eski ou vreman anvi konn sa sekre?— Pa oubliye ki zis sa bann ki obei Zeova ki pou reste dan Paradi. Labib i rakont bokou zistwar lo bann msye ek madanm ki ti obei Zeova. Eski ou ti pou kontan konn zot zistwar?— Annou vwar lekel serten parmi zot e ki mannyer nou kapab fer parey zot.

LIR DAN OU LABIB

^ par. 3 Dan sa bann zistwar i annan en laliny koumsa (—) apre serten kestyon. I en bon moman pour fer en poz e les ou zanfan reponn.