Skip to content

Al lo sa dezyenm lalis

Al lo konteni

Temwen Zeova

Kreol Seselwa

Larepons 10 kestyon ki bann zenn i demande

 KESTYON 2

Akoz mon laparans i sitan enportan?

Akoz mon laparans i sitan enportan?

AKOZ I ENPORTAN

Serten keksoz i pli enportan ki sa ki ou vwar dan laglas.

KI OU TI POU FER?

Imazin sa senaryo: Letan Julia i get dan laglas, i vwar li tro gro. Menm si son paran ek zanmi i dir li ki i “meg parey en zig,” Julia i dir dan li menm, “Mon bezwen megri en pe.”

Tou dernyenman, Julia pe mazin seryezman pour li perdi “omwen de kilo.” I zis bezwen pa manz nanryen pour detrwa zour . . .

Si ou ti dan plas Julia, ki ou ti pou fer?

ARETE E REFLESIR!

Lafason ki ou vwar ou lekor i kapab parey ler ou pe get ou dan en laglas ki fer ou diformen

I pa mal si ou anvi byen sanze e zoli. Anfet, Labib i dir ki Zozef, David, Sara, Rasel ek Abigail ti zoli. Labib i dir ki Abisag ti en fiy “vreman zoli.”1 Lerwa 1:4.

Par kont, bokou zenn i mazin zis zot laparans e sa i kapab vin en problenm. Annou pran detrwa legzanp:

  • Dan en letid ki’n ganny fer, 58 poursan bann fiy ti krwar zot tro gro kan annefe i ti annan zis 17 poursan ki ti leka.

  • Dan en lot letid, 45 poursan bann madanm ki ti tro meg ti krwar ki zot tro gro!

  • Serten zenn ki ti pe esey megri in swiv bann ladyet ekstrenm ki’n fer zot vin anoreksik. Sa i en maladi grav kot zot refize manze e sa i met zot lavi an danze.

 Si ou krwar ou annan anoreksi (anorexia) oubyen okenn lezot problenm ki relye avek ou ladyet, rod led. Konmans par koz avek ou paran oubyen en lot adilt ki ou annan konfyans ladan. Labib i dir: “En zanmi i fidel dan tou sirkonstans; en frer i la pour partaz son difikilte.”Proverb 17:17.

PLI BON SANZMAN OU KAPAB FER!

Se sa ki en dimoun i ete anndan ki fer li atiran oubyen non. Annou vwar legzanp Absalonm, garson Lerwa David. Labib i dir:

“Ti napa en pli zoli zonm. . . . Zot pa ti trouv en sel defo depi son lipye ziska son latet.”2 Samyel 14:25.

Kantmenm sa, sa garson ti vantar, anbisye e tret. Alor, Labib pa koz an byen lo Absalonm me i dir ki i ti en dimoun enfidel ki ti annan en laenn terib.

Labib i annan rezon pour donn nou sa konsey:

“Kontinyen devlop sa nouvo personnalite.”Kolosyen 3:10NW.

“Fodre pa ki zot labote i zis annan pour fer avek laparans . . . , me zot labote i devret annan pour fer avek sa ki zot ete anndan dan zot leker.”1 Pyer 3:3, 4NW.

Menm si napa nanryen mal pour anvi vin zoli, sa ki pli enportan ki ou laparans, i ou personnalite. Alalonger ditan, bann zoli kalite Kretyen pou fer ou pli atiran ki en zoli lekor. En fiy ki apel Phylicia i dir, “I fasil pour remark en dimoun ki zoli, me se sa ki ou ete anndan e ou bann zoli kalite ki dimoun pa pou bliye.”

GET OU LEKOR EN KOU

Eski souvan ou pa kontan ou laparans?

Eski ou’n deza mazin fer en loperasyon oubyen swiv en ladyet ekstrenm pour sanz en keksoz ki ou pa kontan?

Kwa ki ou ti pou kontan sanze avek ou lekor si ou ti kapab? (Swazir ou larepons.)

  • GRANDER

  • PWA

  • SEVE

  • LAFORM MON LEKOR

  • FIGIR

  • KOULER LAPO

Si ou’n reponn wi pour sa de premye kestyon e ou’n swazir trwa opsyon oubyen plis, reflesir lo sa: I tre probab ki lezot pa pe vwar ou parey ou ou vwar ou lekor. I fasil pour fer keksoz ekstrenm e enkyet tro bokou akoz ou laparans.1 Samyel 16:7.