Skip to content

Al lo konteni

Kolosyen 4:1-18

KONTENI

  • Konsey pour bann met (1)

  • “Persevere dan lapriyer” (2-4)

  • Viv dan en fason saz ler zot avek bann ki pa form parti kongregasyon (5, 6)

  • Bann dernyen salitasyon (7-18)

4  Zot, bann met, tret zot lesklav dan en fason drwat e zis, parski zot konnen ki zot osi zot annan en Met dan lesyel.  Persevere dan lapriyer. Reste eveye an sa ki konsern lapriyer e remersye Bondye.  An menm tan, priy pour nou osi, pour ki Bondye i kapab ouver en laport pour nou anons son parol e koz lo sa sen sekre konsernan Kris. Anfet, se pour sa rezon ki mon dan prizon.  Priy osi pour ki mon kapab koz klerman lo la parey mon devret fer.  Kontinyen viv dan en fason saz ler zot avek bann ki pa form parti kongregasyon, servi byen zot letan.*  Zot parol i devret touzour agreab, konmsi i asezonnen avek disel, pour ki zot konnen konman zot devret reponn sak dimoun.  Tisik, en frer ki mon kontan, en serviter* fidel e en lesklav pour Senyer parey mwan, pou donn zot tou mon nouvel.  Mon pe anvoy li kot zot pour ki zot konnen ki mannyer nou ete e pour ki i kapab rekonfort zot.  I pe vin ansanm avek Onezim, mon frer fidel ki mon kontan, ki sorti kot zot, zot pou rakont zot tou sa ki pe arive isi. 10  Aristark, ki dan prizon avek mwan i fer zot salanm. Mark, kouzen Barnabas (sa enn ki zot ti ganny lenstriksyon pour byen resevwar li si i vin kot zot) 11  ek Zezi ki osi ganny apele Zistis i fer zot salanm. Sa bann i parmi bann sirkonsi. Zis zot ki travay ansanm avek mwan pour Rwayonm Bondye e zot in vin en gran sours rekonfor* pour mwan. 12  Epafras, ki sorti kot zot, en lesklav Kris Zezi i fer zot salanm. I pe toultan lite pour zot dan son bann lapriyer, pour ki zot finalman ganny trouve parfe* e vreman konvenki an sa ki konsern tou lavolonte Bondye. 13  Parski mon asir zot ki i pe fer en kantite zefor pour zot e pour bann ki Laodise ek Yerapolis. 14  Lik, sa dokter ki nou kontan ek Demas i fer zot salanm. 15  Fer salanm bann frer ki Laodise e osi nou ser Nimfa, ensi ki bann dan sa kongregasyon ki zwenn kot son lakour. 16  Ler sa let in fini ganny lir avek zot, fer laranzman pour ki i osi ganny lir dan kongregasyon Laodise e zot, zot a osi lir sa let ki’n ganny anvoye Laodise. 17  Deplis, dir Arsip: “Kontinyen veye ki ou akonpli byen sa minister ki ou ti aksepte dan Senyer.” 18  Mwan osi Pol, mon fer zot salanm. Sa mon’n ekri avek mon prop lanmen. Pa bliye ki mon dan prizon. Ki labonte ekstraordiner Bondye i avek zot.

Bann not

Literalman, “aste letan fikse.”
Oubyen “minis.”
Oubyen “en led fortifyan.”
Literalman, “konplet.”