Skip to content

Al lo sa dezyenm lalis

Al lo konteni

Temwen Zeova

Kreol Seselwa

Labib lo Enternet | NEW WORLD TRANSLATION OF THE HOLY SCRIPTURES

Efezyen 3:1-21

KONTENI

  • Sen sekre i enkli dimoun lezot nasyon (1-13)

    • Dimoun lezot nasyon i zeritye ansanm avek Kris (6)

    • Lavolonte eternel Bondye (11)

  • Lapriyer pour ki bann Efezyen i annan bon zizman (14-21)

3  Pour sa rezon, mwan Pol, mon en prizonnyen akoz Kris Zezi e akoz zot, dimoun lezot nasyon . . .  Sirman zot in tande ki mon’n ganny sa responsabilite pour ed zot benefisye avek labonte ekstraordiner Bondye,  par en revelasyon ki mon ti gannyen, kot Bondye ti fer mwan konn sa sen sekre, parey mon ti ekri an bref pli boner.  Alor, ler zot pou lir sa, zot pou kapab realize sa ki mon’n konpran lo sen sekre konsernan Kris.  Dan bann zenerasyon pase, Bondye pa ti revel sa sekre avek bann dimoun parey i’n aprezan revel sa sekre avek bann zapot ki sen ek bann profet gras a lespri sen.  Sa sekre se ki dimoun lezot nasyon ki’n vin disip Kris Zezi gras a sa bon nouvel, i devret vin zeritye ansanm avek Kris, manm en sel lekor e benefisye avek menm promes ki nou.  Mon’n vin en serviter sa sen sekre gras a labonte ekstraordiner ki Bondye in donn mwan* dapre lafason ki son pwisans i azir.  Sa labonte ekstraordiner in ganny demontre anver mwan ki pli pti ki sa enn pli pti parmi tou bann sen, pour ki mon anons avek dimoun lezot nasyon sa bon nouvel konsernan larises enfini Kris  e ki mon devret fer tou dimoun konn lafason ki Bondye, ki’n kree tou keksoz, i akonpli sa sen sekre ki ti’n ganny kasyet diran tou sa bann lannen. 10  Sa ti arive pour ki aprezan, atraver kongregasyon, bann gouvernman ek lotorite dan lesyel i kapab konn sa kantite diferan laspe lasazes Bondye. 11  Sa i an armoni avek lavolonte eternel Bondye konsernan Kris Zezi nou Senyer. 12  Gras a li, nou kapab koz libreman e apros Bondye fasilman avek konfyans parski nou annan lafwa dan Kris. 13  Alor mon demann zot pour pa abandonnen akoz bann leprev ki mon pe pas ladan akoz zot, parski sa bann leprev pou anmenn laglwar pour zot. 14  Pour sa rezon mon tonm azenou devan nou Papa 15  ki’n donn sak fanmir dan lesyel ek lo later son non. 16  Mon priye ki sa enn ki ranpli avek laglwar i kapab servi pwisans son lespri sen pour fer sa dimoun ki zot ete anndan vin for 17  e ki atraver zot lafwa, Kris i kapab reste dan zot leker avek lanmour. Mon osi priye ki zot anrasinen e byen etabli lo sa fondasyon, 18  pour ki parey tou bann sen, zot kapab arive konpran konpletman larzer, longer, oter ek profonder laverite 19  e ki zot konn lanmour Kris, ki depas tou konnesans, pour ki zot kapab konpletman ranpli avek tou bann bon keksoz ki Bondye i donnen. 20  Dapre son pwisans ki pe azir dan nou, Bondye i kapab fer bokou bokou plis ki tou sa ki nou kapab demande oubyen imazinen, 21  se li ki merit laglwar atraver kongregasyon e atraver Kris Zezi pour tou zenerasyon pour touzour e touzour. Amenn.

Bann not

Oubyen “donn mwan konman en kado gratwit.”