Skip to content

Al lo sa dezyenm lalis

Al lo konteni

Temwen Zeova

Kreol Seselwa

Labib lo Enternet | NEW WORLD TRANSLATION OF THE HOLY SCRIPTURES

Ebre 8:1-13

KONTENI

  • Latant ladorasyon i reprezant bann keksoz ki dan lesyel (1-6)

  • Diferans ant sa vye e sa nouvo lalyans (7-13)

8  Aprezan, la pwen enportan lo sa ki nou pe dir: Nou nou annan en granpret koumsa e i’n asiz dan kote drwat tronn Bondye dan lesyel,  i en serviter* dan landrwa sen e dan sa vre latant, ki’n ganny etablir par Zeova* e pa par zonm.  Parski tou bann granpret i ganny apwente pour ofer lofrann ek sakrifis, alor i ti neseser pour sa enn osi annan en keksoz pour ofer.  Si i ti lo later, i pa ti pou en pret, vi ki dapre Lalwa i deza annan bann pret ki ofer bann lofrann.  Sa bann zonm pe ofer servis sakre ki en model ek en reprezantasyon* bann keksoz ki dan lesyel, zis parey ler Moiz ti pe al konstri latant, Bondye ti donn li sa lord: “Fer sir ki ou fer tou keksoz parey model ki mon ti montre ou ler ou ti lo montanny.”  Me la Zezi in ganny en pli gran minister* akoz i osi medyater en lalyans ki pli meyer ki’n ganny etablir legalman par bann promes ki pli meyer.  Si sa premye lalyans ti san defo, i pa ti pou neseser pour annan en dezyenm lalyans.  Me i vwar defo sa pep akoz: “Zeova* in dir, ‘Letan pe arive kot mon pou fer en nouvo lalyans avek pep Izrael ek pep Zida.’  Zeova* in osi dir, ‘I pa pou parey sa lalyans ki mon ti fer avek zot zanset zour ki mon ti atrap zot lanmen e tir zot dan pei Lezip, parski zot pa ti gard mon lalyans, alor mon ti aret pran swen avek zot.’ 10  “Zeova* in dir, ‘La sa lalyans ki mon pou fer avek pep Izrael sa letan. Mon pou met mon bann lalwa dan zot lespri e mon pou ekri zot dan zot leker. Mon pou vin zot Bondye e zot pou vin mon pep. 11  “‘Personn pou nepli ansenny son frer oubyen son prosen par dir: “Ou bezwen konn Zeova!”* Parski zot tou zot pou konn mwan, depi sa ki pli pti ziska sa ki pli gran parmi zot. 12  Parski mon pou pardonn zot bann move aksyon e mon pou nepli rapel zot pese.’” 13  Ler i ti koz lo “en nouvo lalyans,” i’n fer sa enn avan vin initil, deplis sa ki initil e ki pe vyeyi, i pros pour disparet.

Bann not

Oubyen “minis.”
Vwar Leksplikasyon bann mo.
Literalman, “lonbraz.”
Oubyen “servis piblik.”
Vwar Leksplikasyon bann mo.
Vwar Leksplikasyon bann mo.
Vwar Leksplikasyon bann mo.
Vwar Leksplikasyon bann mo.