Skip to content

Al lo sa dezyenm lalis

Al lo konteni

Temwen Zeova

Kreol Seselwa

Nou minister ek lavi Kretyen–Kaye renyon  |  June 2017

 VIV KONMAN EN KRETYEN

Swiv standar moral Zeova

Swiv standar moral Zeova

Zeova in etabli bann standar moral pour imen swiv. Par egzanp, Bondye i dir ki maryaz i en linyon permanan ant en msye ek en madanm. (Mt 19:4-6, 9) I kondann tou kalite imoralite seksyel. (1Ko 6:9, 10) I’n menm donn son pep bann prensip konsernan laparans personnel ek fason sanze ki fer zot diferan avek lezot dimoun.De 22:5; 1Ti 2:9, 10.

Dan sa lemonn ozordi, bokou dimoun i rezet bann standar Zeova. (Ro 1:18-32) Zot les lopinyon lezot dimoun enfliyans zot fason sanze, laparans personnel ek zot kondwit. Bokou i fer zot bann move keksoz an piblik e zot menm kritik bann ki pe viv en lavi ki zot standar i diferan avek sa ki pour zot.1Pyr 4:3, 4.

Konman Temwen Zeova, nou devret swiv bann bon standar moral Zeova avek kouraz. (Ro 12:9) Ki mannyer nou kapab fer sa? Avek bon zizman, nou devret fer lezot konnen kwa ki Zeova i aksepte. Me nou osi bezwen annan en standar o nivo dan nou lavi. Par egzanp, ler nou pe swazir bann lanmod lenz ek ki mannyer nou laparans personnel i devret ete, nou kapab demann nou lekor: ‘Eski mon swa i reflekte standar Zeova ouswa sa ki pour lemonn? Eski mon laparans personnel ek fason sanze i montre ki mon en dimoun ki annan respe pour Bondye?’ Oubyen letan nou pe swazir en progranm oubyen film pour gete, nou kapab demann nou lekor: ‘Eski sa progranm pou fer plezir Zeova? Standar moral lekel ki sa progranm i promote? Eski swa ki mon fer konsernan divertisman i kapab bes mon standar moral? (Ps 101:3) Eski i kapab en lobstak pour en manm fanmir oubyen lezot dimoun?’1Ko 10:31-33.

Akoz i vreman enportan ki nou swiv standar moral Zeova? Zezi Kri pou byento detri bann nasyon ek tou move keksoz. (Eze 9:4-7) Zis bann ki pe fer lavolonte Bondye ki pou sirviv. (1Zan 2:15-17) Alor, annou swiv standar moral Zeova pour ki lezot ki vwar nou bon kondwit i glorifye Bondye.1Pyr 2:11, 12.

Eski mon fason sanze ek laparans personnel i montre ki mon annan bann bon standar moral?

GET SA VIDEO VIN ZANMI ZEOVA—EN ZONM, EN MADANM E APRE REPONN SA BANN KESTYON SWIVAN:

  • Akoz i saz pour viv dapre standar Zeova?

  • Akoz paran i bezwen ansenny zot zanfan bann standar moral Zeova depi ler zot ankor pli pti?

  • Ki mannyer nou tou zenn konman vye, nou kapab ed lezot pour benefisye avek labonte Zeova?