AKOZ I ENPORTAN: Bokou dimoun ki montre lentere dan sa mesaz Rwayonm pe rod laverite lo Bondye. (Iza 55:6) Pour nou kapab ptitapti ansenny zot, nou bezwen retourn kot zot plizyer fwa. Dimoun i pas dan diferan problenm alor nou bezwen koz lo bann keksoz ki enteres zot. Par kont, nou pou pli efikas si nou prepar byen e annan en lobzektif pour sak vizit akoz nou bi prensipal i pour konmans en letid Labib.

KI MANNYER POUR FER LI:

  • Pa tarde pour retournen, petet menm apre detrwa zour.​—Mt 13:19

  • Demontre respe e reste amikal. Pa strese

  • Konmans par zantiman dir bonzour e adres sa dimoun par son non. Fer li rapel akoz ki ou’n retournen, petet pour ou reponn en kestyon, anmenn en magazin, montre li nou sit Enternet, zwe en video oubyen pour montre li ki mannyer nou fer letid Labib. Si sa dimoun i anvi koz lo en lot topik, pa ezite pour sanz ou prezantasyon.​—Fil 2:4

  • Aroz sa lagrenn laverite ki’n ganny plante dan son leker par partaz en laverite dan Labib e petet osi donn li en magazin. (1Ko 3:6) Esey devlop en lanmitye avek li

  • Demann sa kestyon ki ou’n prepare pour ou kapab fer ou prosenn vizit