Skip to content

Al lo sa dezyenm lalis

Al lo konteni

Temwen Zeova

Kreol Seselwa

Nou minister ek lavi Kretyen–Kaye renyon  |  November 2016

 VIV KONMAN EN KRETYEN

Ki mannyer pour servi liv Ki Labib i dir?

Ki mannyer pour servi liv Ki Labib i dir?

Sa liv Ki Labib i dir? i parey liv Ki Labib i vreman dir? Tou le de i ansenny menm laverite e bann topik i dan menm lord. Par kont, liv Ki Labib i dir? i servi bann mo ki pli senp e i pli fasil pour konpran. Sa liv in ganny fer pour bann dimoun ki ganny difikilte konpran Ki Labib i vreman dir? Sa liv Ki Labib i dir? i annan lezot lenformasyon ki donn bann leksplikasyon senp lo serten term ek nide ki ganny trouve dan sa liv. Bann sapit napa bann kestyon lentrodiksyon oubyen kestyon revizyon. O kontrer, lafen en sapit i annan en rezimen bann laverite sorti dan Labib ki’n ganny diskite dan sa sapit. Zis parey sa liv Ki Labib i vreman dir?, sa liv Ki Labib i dir? i kapab ganny ofer nenport ler menm si i pa pe ganny prezante pour sa mwan. Ki mannyer nou kapab servi sa liv Ki Labib i dir? ler nou pe fer en letid Labib?

REZIMEN: Pour laplipar dimoun ki nou etidye avek, nou fason fer letid par demann kestyon ek larepons dan liv Ki Labib i vreman dir? i en bon fason fer. Me meton sa etidyan pa tro abitye avek sa langaz oubyen pa tro konn lir. Dan sa ka, ou kapab servi sa liv Ki Labib i dir? Apre sa, rezimen bann sapit i kapab ganny servi pour fer letid e sa etidyan i kapab ganny ankouraze pour lir sa sapit lo li menm. Sak laverite dan Labib i kapab ganny ansennyen dan zis apepre 15 minit. Vi ki bann rezimen pa enkli bann detay ki dan sa sapit, bann proklanmater i devret fer sir ki zot byen prepare e gard antet bezwen sa etidyan. Si sa proklanmater i servi sa ki dan sapit pour fer letid, la aprezan i kapab servi sa paz rezimen pour fer en revizyon.

LEZOT LENFORMASYON: Bann lekspresyon ek nide dan lezot lenformasyon i dan menm lord avek sa ki dan sapit. Sa proklanmater i kapab deside si i pou diskit lezot lenformasyon dan liv Ki Labib i dir?