Skip to content

Al lo sa dezyenm lalis

Al lo konteni

Temwen Zeova

Kreol Seselwa

Nou minister ek lavi Kretyen–Kaye renyon  |  March 2016

 BANN TREZOR DAN PAROL BONDYE | ZOB 6-10

Zob i eksprim son soufrans

Zob i eksprim son soufrans

Zob ti’n perdi tou sa ki i ti annan, son larises, son fanmir ek zanmi pros e li menm li i ti’n tonm malad. Me malgre tousala i ti reste fidel. Kwa ankor ki Satan ti kapab fer pour esey kas son lentegrite? I ti mazinen ki si Zob i dekouraze i pou kas son lentegrite. Trwa swadizan konpanyon ti vin vwar li. Premyerman, zot ti fer en spektak piblik pour montre ki zot pe senpatiz avek Zob. Apre zot ti asiz set zour avek Zob san dir li nanryen, ni menm en mo lankourazman zot pa ti donnen. Finalman, ler zot ouver zot labous zot zis blanm li e dir li bann parol blesan.

Zob ti gard son fidelite avek Zeova malgre bokou presyon

6:3; 7:16; 9:20-22; 10:1, 12

  • Zob ti dan en gran sagrinasyon e sa ti fer li annan en move fason panse. Zob ti fer en fot ler i ti krwar ki Bondye pa enterese si i ti gard son fidelite

  • Vi ki Zob ti dekouraze, i pa ti reflesir lo kwa ankor ki ti kapab pe fer li soufer

  • Kantmenm Zob ti pe soufer, i ti koz lo son lanmour pour Zeova avek sa bann ki ti pe akiz li