Skip to content

Al lo sa dezyenm lalis

Al lo konteni

Temwen Zeova

Kreol Seselwa

Nou minister ek lavi Kretyen–Kaye renyon  |  Desanm 2017

 VIV KONMAN EN KRETYEN

Amelyor nou abilite pour prese​—Kontakte tou dimoun dan teritwar

Amelyor nou abilite pour prese​—Kontakte tou dimoun dan teritwar

AKOZ I ENPORTAN: Profet Zekarya ti profetize ki dimoun sorti dan tou langaz bann nasyon pour aksepte sa bon nouvel lo Rwayonm Bondye. (Zek 8:23, NWT) Me lekel ki pou ansenny zot? (Ro 10:13-15) Nou annan sa privilez ek responsabilite pour partaz sa bon nouvel avek tou dimoun dan nou teritwar.​—od-E 84 ¶10-11.

KI MANNYER POUR FER LI:

  • Prepare. Eski ou zwenn dimoun ki koz en lot langaz? Ou kapab servi JW Language app pour aprann en prezantasyon senp. Ou kapab osi servi ou mobayl oubyen tablet pour montre en dimoun ki mannyer i kapab ganny plis lenformasyon dan son prop langaz lo jw.org

  • Obzerv byen. Si ou pe pres portanport, sezi tou loportinite pour rann en temwannyaz avek bann dimoun dan semen oubyen bann ki pe espere dan loto. Si ou pe fer temwannyaz an piblik, gard antet ou lobzektif pour donn en temwannyaz

  • Fer bokou zefor. Kontinyen esey zwenn bann ki absan. Fer zefor pour kontakte en dimoun kot sak lakaz. Petet ou kapab pas en lot ler oubyen en lot zour dan lasemenn. I kapab ki serten met lakour i bezwen ganny kontakte atraver let, telefonn oubyen letan pe fer temwannyaz lo semen

  • Fer retourn vizit. Pa tarde pour retourn vwar sa dimoun ki’n montre lentere. Si sa dimoun i koz en lot langaz, esey rod en proklanmater ki kapab ed li dan son prop langaz. Kontinyen vizit sa dimoun ziska ki sa proklanmater ki koz son langaz i kontakte li.​—od-E 94 ¶39-40

GET SA VIDEO PREACHING IN “THE MOST DISTANT PART OF THE EARTH” E APRE REPONN SA BANN KESTYON SWIVAN:

  • Ki preparasyon bann frer ek ser ti fer avan zot ti kontakte dimoun dan bann landrwa elwannyen? (1Ko 9:22, 23)

  • Ki bann lobstak ki zot ti bezwen sirmonte?

  • Ki bann benediksyon ki zot ti gannyen?

  • Ki zefor ou kapab fer pour ou kontakte plis dimoun dan ou teritwar?